Sondaı-aq 29 balabaqsha (10 memlekettik jáne 19 jekemenshik) tekserildi.
Birqatar mektep aldy jáne jalpy bilim beretin mektepterde buzýshylyqtar anyqtalyp, kemshilikter der kezinde retteldi.
Eske sala keteıik, elordalyq balabaqshalar kezekshi toptar rejıminde jumysyn jalǵastyrýda. Búginde olardyń 1649-y memlekettik jáne jeke mekemelerde ashyldy, jalpy kontıngenti 25 myńǵa jýyq balany quraıdy.
"Barlyq nysandar sanıtarlyq talaptarǵa sáıkes jumys isteıdi. Balalardyń mektepke deıingi uıymǵa barýy ata-ananyń kelisimi negizinde júzege asyrylady. Ol bolmaǵan jaǵdaıda bala karantın kezeńinde mektepke deıingi uıymda óz ornyn saqtaıdy", - dep atap ótti bilim basqarmasy.
Sondaı-aq mektepterde ata-analardyń qalaýy boıynsha sanıtarlyq erejelerge sáıkes 1-4 synyptar úshin kezekshi toptar uıymdastyrylady. Barlyǵy elordada 3011 kezekshi synyp bar, oǵan 40 400 oqýshy qabyldandy.
Kezekshi synyptar qyzmeti sanıtarlyq epıdemıologııalyq talaptardy qatań saqtaı otyryp júzege asyrylady. Ata-analar balalardy oqý kúni bastalǵanǵa deıin mekemeniń aldyńǵy esikterine ertip barady jáne sabaq aıaqtalǵannan keıin olardy kire beriste qarsy alady. Áleýmettik araqashyqtyqty saqtaý úshin mektepterde belgiler qoıylady. Synyptar ár sabaqtan soń jeldetilip, kvarspen óńdeledi.
"Búgin №66 mektep-lıseıiniń barlyq sanıtarlyq talaptarǵa saı ekeni tekserildi. Balalardy qabyldaý kezinen bastap dezınfeksııalyq jumystar júrgiziletinin baıqadyq. Iаǵnı balalar qoldaryn antıseptıkpen óńdep baryp, mektep qabyrǵasyna kiredi. Medısına qyzmetkeri dálizden termometrııa júrgiziledi. Onyń kórsetkishi tirkelip otyrady. Balalar araqashyqtyqty saqtap, kabınette otyrady. Bir toptaǵy sıymdylyq -15 adamnan aspaıdy. Árbir kabınettiń aldynda sanıtaızer ornalastyrylyp, antıseptıkter quıylǵan. Muǵalimderdiń barlyǵy maska taǵý rejımin saqtap júr", - deıdi №66 mektep lıseı dırektorynyń bastaýysh synyptar boıynsha oqý-tárbıe jumysy jónindegi orynbasary Janna Jýkeshbaeva.
"Ár bala dálizde araqashyqtyqty saqtaıdy, árkim sý ishetin ydysyn ózi alyp keledi. Balalarǵa basynda nusqaýlyq berildi, ár bala talaptardy qatań saqtap úırendi", - dedi Nur-Sultan qalasynyń taýarlar men qyzmetter sapasyn men qaýipsizdigin baqylaý departamentiniń bas mamany Laýra Asanbaeva.
