Is-sharany Qazaqstan Respýblıkasynyń Tuńǵysh Prezıdenti – Elbasy kitaphanasy, "Qulanshy" zamanaýı óner ortalyǵy, Qazaqstannyń shyǵarmashylyq bastaýlary men mádenı murasyn qoldaý jónindegi "Baıta" qaıyrymdylyq qory, Nur-Sultan qalasy Bilim basqarmasy, Pedagog sýretshiler halyqaralyq odaǵynyń (RF) Qazaqstandaǵy ókildigi, Eýrazııa óner akademııasy, Balalar kórkemsýret mektebi – Nur-Sultan qalasy IýNESKO klýby; "ForteBank" AQ men "Leonardo" hobbı gıpermarketiniń qoldaýymen uıymdastyrdy.
"Týǵan jerim" atty balalar men jasóspirimder shyǵarmashylyǵy baıqaýynyń jumysy 2004 jyldan bastaý alady. 2006 jyly saıys jańa jobalyq deńgeıge kóteriledi. Jeńimpazdardy marapattaý rásimi men top jarǵan úmitkerler jumystarynyń kórmesin Qazaqstan Respýblıkasy Tuńǵysh Prezıdenti – Elbasy mýzeıinde ótkizý, baıqaý katalogyn basyp shyǵarý sııaqty mekemeniń ıgi dástúrine aınalady.
Joba jer betiniń balalaryn Qazaqstannyń mádenıeti men ónerimen tanystyrýdy, olardyń jeke qabileti men shyǵarmashylyq áleýetin tereńdetýdi kózdeıdi. Keskindeme men músinniń, sándik-qoldanbaly ónerdiń túrli tehnıkasymen oryndalǵan úmitkerlerdiń týyndylary búgingi kórkem ónerdegi balalar shyǵarmashylyǵyn jan-jaqty ashyp, baıqaý jumystaryna jetekshilik etken pedagogtardyń kásibı sheberligin kórsetedi.
"О́tken shaq, osy shaq, keler shaq", "Týǵan ólkem", "Ultymnyń dástúrleri", "Ermegim", "Men sýretshimin" taqyrybynda usynylǵan 400-den astam jumysty bıylǵy saıysqa Qazaqstan, Reseı, Tatarstan, Bashqortstan, О́zbekstan, Ýkraına, Ázerbaıjan, Belarýs elderiniń ókilderi jibergen.
"Bul bastamany Tuńǵysh Prezıdent mýzeıi qoldaǵan alǵashqy sátterden bastap tek balalar shyǵarmashylyǵy ǵana ónerdiń eń bir taza jáne eń bir shynaıy túri bolatyny týraly oı bizdi alǵa jeteledi. Jas qatysýshylarymyzdyń jumystary bizdi osy shyǵarmashylyq jolda toqtap qalmaı, ony jyl saıyn jalǵastyra berýimizge shabyttandyrady. Dál sol sebepti de Elbasy kitaphanasy balalar shyǵarmashylyǵyn qoldaýmen aınalysýdan jalyqpaıdy. Biz baıqaý qatysýshylaryna sheksiz alǵysymyz ben rızashylyǵymyzdy bildiremiz", dedi Elbasy kitaphanasy dırektorynyń orynbasary Kúláısha Aqtaeva,
Qazylar alqasynyń, baıqaý uıymdastyrý komıtetiniń múshesi, "Qulanshy" zamanaýı óner ortalyǵynyń dırektory Láılá Mahattyń aıtýynsha, qaı kórkem jumysqa qandaı oryn berý máselesi qashan da ońaı sharýa emes.
"Al balalar shyǵarmashylyǵyna baǵa berý tipti qıyn. Árbir bala óz jumysyn janyn bere, bar júregimen berile oryndaıdy, bul da úlken synaq. Alaıda eger balalar sýretshi bolamyn dese buǵan daǵdylanýǵa týra keledi, sebebi sýretshi eńbegin kórermen, jazýshy eńbegin oqyrman baǵalaıdy emes pe?! Men baıqaýda qoıylatyn jumystar sapasyna qatty kóńilim tolady jáne qatysýshylardyń jumysynyń kóptigi men olardyń jan-jaqtan qatysýy tańqaldyrady. Osy baıqaýǵa qatysý úshin óz jumystaryn qoryqpaı jibergenderdiń barlyǵyn quttyqtaımyn", – dep atap ótti ol óz sózinde.
8-10 jas aralyǵyndaǵy sanatta III oryndy Sofııa Nıkýlına (Dolgoprýdnyı, Reseı), Valerııa Alekseenko (Barnaýl, Reseı), Súrııa Sapar (Nur-Sultan, Qazaqstan); II oryndy Alekseı Lıtvınsev (Borısov, Belarýssııa), Alına Porhacheva (Mýrom, Reseı); I oryndy Sofııa Morgýn (Donesk oblysy, Ýkraına) ıelendi. Gran-prıdi Matveı Krylov (Lenınogorsk, Tatarstan) qanjyǵasyna baılady.
"Men jeńiske jetkenime óte qýanyshtymyn, qazirgi emosııamdy sózben aıtyp jetkizý múmkin emes. Men osyndaı iri halyqaralyq baıqaýda óz elimdi tanystyrǵanyma baqyttymyn. Uıymdastyrýshylar men qazylar alqasyna raqmet!" – dep Belarýs elinen 10 jasar Alesha Lıtvınsev óz áserimen bólisti.
11-13 jas aralyǵyndaǵy sanatta III orynnyń júldegeri bolyp Sofııa Pechenskıh (Kamensk-Ýralsk, Reseı), Danıl Terehov (Salaýat, Bashqurtstan), Alına Ivshına (Igra, Ýdmýrtııa), Darıa Novıkova (Ýsole-Sıbırskoe, Reseı), Súıinshi Jámılá (Nur-Sultan, Qazaqstan) jarııalansa, II oryn jeńimpazy retinde Ýlıana Logınova (Novosıbırsk, Reseı), Dına Máýlen (Petropavl, Qazaqstan), Vıktorııa Iаkovleva (Elabýga, Tatarstan), Aıgerim Eskendirova (Badamsha aýyly, Qazaqstan) moıyndaldy. I oryndy Anastasııa Shelıapa (Sverdlov oblysy, Reseı), Jansaıa Berdibaı (Shymkent, Qazaqstan), Saǵdat Toqtaeva (Shahrısabz, О́zbekstan); bas júldeni Dilnur Aqpaeva (Sol-Ilesk, Reseı) men Vıktorııa Saveleva (Magnıtogorsk, Reseı) ıelendi.
14-16 jas aralyǵyndaǵy jeńimpazdar qatarynda III oryn júldegerleri Aqbota Qasenova (Stepnogorsk, Qazaqstan) men Ánel Prýdnıkova (Pavlodar, Qazaqstan); II oryn jeńimpazdary Varvara Matveeva (Shýıa, Reseı), Dıana Petracheva (Ekibastuz, Qazaqstan), Valerııa Shtyreva (Lısakovsk, Qazaqstan), Anna Chen (Nur-Sultan, Qazaqstan); I oryn ıegerleri Aleksandra Efremova (Ekaterınbýrg, Reseı), Ekaterına Krıvleva (Rýdnyı, Qazaqstan), Raı Nına (Volgodonsk, Reseı); bas júldeli jeńimpazdar Sevınch Botırov (Shahrısabz, О́zbekstan), Aıym Seıilhan (Aqtóbe, Qazaqstan) bar.
"Árıne, men óz kúshime sendim, jeńgim keldi, biraq bul men úshin kútpegen sát bolǵandyqtan qobaljyp ta turmyn. Osyndaı múmkindik bergeni úshin bizdiń keremet óner mektebine alǵys aıtqym keledi. Barlyq qatysýshylarǵa tabys tileımin!" – dedi Anna Chen.
Uıymdastyrýshylar baıqaý laýreattary dıplomdar men syılyqtardy poshta arqyly alatynyn atap ótti.
"Osymen toqtap qalmańyzdar. Sizderdi budan ári de alǵa jeteleıtin kishkentaı armandaryńyzdy, qýanyshtaryńyz ben tájirıbelerińizdi osy bastan jınaı berińizder. Sizderge senim artyp, qoldaý bildiretin ata-analaryńyzǵa jáne talanttaryńyzdy kórip, ony asha túsetin, sol úshin baryn salatyn pedagogtaryńyzǵa da kóp raqmet. Sizderdiń bulaı talaptanyp, alǵa umtylýyńyz qoǵam úshin, biz úshin qajet. Sýret salyńyzdar, tań qaldyryńyzdar, shabyt syılańyzdar, sóıtip álemge shýaq shashyńyzdar!" – dedi qatysýshylarǵa aıtqan sózinde "Baıta" shyǵarmashylyq bastamalar men mádenı mura qaıyrymdylyq qorynyń dırektory Svetlana Mahat.
Úzdik jumys retinde moıyndalǵan jeńimpazdardyń týyndylaryn elorda turǵyndary men qonaqtary Tuńǵysh Prezıdent – Elbasy kitaphanasynyń mýzeıinde tamashalaı alady. Olar bir aıdyń kóleminde uıymdastyrýshy mekemelerdiń resmı saıtynda da qoljetimdi bolmaq.
