2020 jyl QR Prezıdentiniń Jarlyǵymen eriktiler jyly bolyp jarııalandy.
Muqtaj adamdarǵa kómek kórsetý qajettiligi - qoǵamdyq sana men jaýapkershiliktiń kórinisi. Nur-Sultanda mundaı ıgi isti "Astana Jastary" resýrstyq ortalyǵy janyndaǵy eriktilerdiń qalalyq shtabynda júzege asyrýǵa bolady. Eriktiler qataryna kirý úshin eriktiler mektebinde oqýdyń úsh kezeńinen ótý kerek.
"Aldymen alǵashqy medısınalyq kómek kórsetýdi úıretetin kirispe kýrstan ótý kerek, túrli psıhologııalyq trenıngter ótkiziledi ıaǵnı jalpy daıyndyq júrgiziledi", – dedi Nur-Sultan qalasy ákimdiginiń "Astana jastary" JRO basshysy Shyńǵys Tileýlın.
Alǵashqy daıyndyq shamamen on sabaq alady. Ári qaraı, eriktiler túrli baǵyttar boıynsha bólingen kezde mamandandanady.
"TJ kezinde kómek berýge nıet bildirýshiler mamandarmen daıyndalyp, oqý jıyndarynan ótedi. Sondaı-aq halyqaralyq volonterler men áleýmettik volonterler úshin oqytý júrgiziledi. Sodan keıin tikeleı aksııa ótkizý kezinde praktıkalyq sabaqtar ótedi", - dep túsindirdi Shyńǵys Tileýlın.
Onyń málimetinshe, bıyl mektepte 300-ge jýyq eriktini oqytý josparlanǵan.
Aıta keteıik, elordalyq eriktiler shtaby túrli baǵyttar boıynsha jumys júrgizýde. Mysaly, "Qamqorlyq mekenjaıy" jobasy aıasynda balalar jalǵyzbasty zeınetkerler men ardagerlerge qar basqan aýlalardy tazartý, páterler men aýmaqtardy turmystyq qoqystardan tazartý, baqshalardy otyrǵyzýǵa daıyndaý sııaqty kómek kórsetedi.
Elde tótenshe jaǵdaı engizilgennen keıin qalalyq shtab jedel jumys rejımine kóshti. Úsh aı boıy kún saıyn 500 belsendi volonter jumyldyryldy, 2 000 erikti rezervte turdy. Osy ýaqyt ishinde eriktiler muqtaj otbasylarǵa azyq-túlik sebetterin, birinshi qajettiliktegi taýarlarmen jáne antıseptıkalyq quraldarmen qamtamasyz etti, memlekettik áleýmettik kómekti taratý boıynsha jumystar atqardy. Sondaı-aq, balalar aýdandyq emhanalardyń esebinde turǵan múmkindigi shekteýli, egde jastaǵy adamdarǵa qajetti dári-dármekterdi jetkizýmen aınalysty. Elordalyq polısııa departamentiniń ókilderimen birge karantın rejımin buzǵandarǵa túsindirý jumystaryn júrgizdi. Bank bólimshelerinde áleýmettik qashyqtyqty eskere otyryp kezek uıymdastyrdy.
Medısınalyq eriktiler koronavırýs juqtyrǵan naýqastardy emdeıtin dárigerlerge tegin kómektesti.
Buǵan deıin eriktiler Arysty qalpyna keltirýge atsalysyp, Maqtaaral aýdanyndaǵy sý tasqynynan zardap shekkenderge gýmanıtarlyq kómek jınady, Qazaqstan astanasynda ótken halyqaralyq is-sharalarǵa qatysty.
Uıym jumys istegen barlyq ýaqyt ishinde ıaǵnı 2014 jyldan bastap shamamen 2,5 myń adam oqytyldy.
