Festıval osymen onynshy ret ótkizilip otyr. Pandemııaǵa baılanysty is-shara onlaın formatta uıymdastyryldy.
Aıtýly is-shara Belarýs, Grýzııa, Italııa, Qazaqstan, Latvııa, Reseı jáne Japonııa elderinen kelgen horeografııalyq ujymdardyń 350-den asa qatysýshysynyń basyn qosty. Barlyq qatysýshy dıplomdarmen, al jetekshileri alǵys hattarmen marapattaldy.
Is-shara barysynda Qazaq ulttyq horeografııa akademııasynyń prorektory Bıbigúl Núsipjanova «Vstrechı na beregah Nevy» festıvaliniń uıymdastyrýshylary men qatysýshylaryna óziniń quttyqtaýyn joldady.
«Osy mereıli sátti paıdalanyp, festıvaldyń alǵash qurylýy men qalyptasýyna atsalysqan barlyq qatysýshyǵa rızashylyǵymdy bildiremin. Jyl saıyn jobanyń aýqymy men aıasy keńeıip, qatysýshylardyń horeografııalyq sheberligi jańa bıikke kóterilip keledi. Jastar jańa belesterdi baǵyndyryp qana qoımaı, ózindik qoltańbasyn qalyptastyryp jatqandaı. Barshańyzǵa uzaq ómir, tabys jáne amandyq tileımiz» dedi B.Núsipjanova.
Aıta keteıik, byltyr «Vstrechı na beregah Nevy» festıvalinde Qazaq ulttyq horeografııa akademııasynyń stýdentteri «Úzdikter» ataǵyna ıe bolǵan bolatyn. Sol keshte Almat Shámshıevtiń jetekshiligimen Aqqanat Smaǵulova men Janııa Qanat halyq mýzykasyna qoıylǵan «Áshekeı» horeografııalyq mınıatıýrasyn usyndy. Sondaı-aq Anvara Sadyqovanyń qoıylymyndaǵy Nurǵısa Tilendıevtiń mýzykasyna «Aqqýlar» bıin bılep, kópshiliktiń ystyq yqylasyna ıe bolǵan edi
