Túrli lokdaýn ssenarıılerin modeldeý, qysqa jáne uzaqmerzimdi kezeńge sáıkes daǵdarysqa qarsy tıisti sharalardy josparlaý boıynsha Whiteshield Partners kompanııasynyń ınnovasııalyq ádistemesi talqylaý taqyrybyna arqaý boldy.
Semınardy asha otyryp, Astana memlekettik qyzmet habynyń basqarýshy komıtet tóraǵasy Álıhan Baımenov: «Pandemııa jáne odan keıingi jańa kezeń memlekettik basqarý sapasyna joǵary talaptar qoıady. Elderdiń pandemııa synaqtaryna shuǵyl jaýap qaıtarý jáne qaıta qalpyna keltirý sharalary boıynsha neǵurlym tıimdi joldar izdestirýde de memlekettik basqarýdyń búgingi sheshýshi róli aıqyn. Munyń basty faktory – azamattardyń senimi. Bul – hám áleýmettik qundylyq, hám tıimdi ákimshilik kapıtal», dedi.
Whiteshield Partners seriktesi jáne dırektory Entonı O'Sallıvan óz sózinde daǵdarysqa qarsy áreket etý qajettiligine jáne bul túrli ınnovasııalardy ınvestısııalaý arqyly ǵana múmkin ekendigine nazar aýdardy.
О́z kezeginde Whiteshield Partners kompanııasynyń jahandyq basqarýshy seriktesi ári teń quryltaıshysy Fadı Farra daǵdarysqa qarsy biryńǵaı keshendi kózqaras qalyptastyrý úshin aldyńǵy sheptegi basty mamandar men sheshýshi sarapshylar arasynda birlesken odaq qurýǵa shaqyrdy. «Daǵdarysqa qarsy turýda kidirýge bolmaıdy, óıtkeni bıýrokratııaǵa oryn joq» dep atap ótti ol.
Sonymen qatar semınarǵa Polshanyń qarjy eks-mınıstri, EYDU jáne EO-daǵy burynǵy elshisi, qazirgi Whiteshield Partners dırektory Pavel Voısehovskıı, belgili ekonomıst, Eýropalyq qaıta qurý jáne damý bankiniń 2015-2019 jyldardaǵy bas ekonomısi, Parıjdegi Saıası zertteý ınstıtýtynyń ekonomıka professory Sergeı Gýrıev, sonymen qatar Fransýz qoǵamdyq densaýlyq saqtaý mektebiniń epıdemıologııa jáne bıostatıstıka professory Paskal Krepı qatysty.
P.Voısehovskıı pandemııamen kúres aýqymynda túrli kezeńderdi, úsh ólshemdik, áleýmettik-ekonomıkalyq aspektilerdi qarastyrýdyń, birtutas tásildemeniń bolýy mańyzdylyǵyna toqtaldy. Ol qaıta lokdaýndy boldyrmaý úshin modeldeýdiń dástúrli emes tásilin jáne molekýlalyq deńgeıde tereń taldaýdy qoldanatyn osy baǵdarlamany paıdalanýdyń paıdasy týraly aıtty.
Professor S.Gýrıev pandemııamen kúreste adal jáne tıimdi qyzmet etetin, sol arqyly azamattardyń memleketke senimin arttyratyn, jumysy myǵym memlekettik apparat sheshýshi rólge ıe ekenin jetkizdi. Ol úkimetterdiń qabyldaǵan naqty sharalaryna toqtala otyryp, kóptegen eýrazııalyq elder salyq reformasy, jańa salyqtardy engizý, salyqtardy ósirý týraly oılaıtynyn, biraq qazir jańa salyq engizetin ýaqyt emestigin atap ótti.
«Artyq aqsha tapshy kezde adamdarǵa qoldarynan kelgenshe aqsha tabýǵa múmkindik berý kerek. Sondyqtan bıznes úshin retteýshi tosqaýyldardy alyp tastaý mańyzdy», dedi S.Gýrıev.
Vebınar aıasynda SOVID-19-ǵa qarsy shuǵyl áreket etýge baǵyttalǵan ınnovasııalyq «Navigator» baǵdarlamasy tanystyryldy. Bul qosymsha ekonomıkalyq jáne epıdemııalyq modelderge, áleýmettik-ekonomıkalyq saldarlardy taldaýǵa jáne daǵdarys ssenarıılerin josparlaýǵa negizdelgen. Sondaı-aq ǵylym, ıkemdi basqarý jáne áleýetti arttyrý arqyly kúndelikti áser etetin «Jyldam áreket etý toby» tásili usynyldy.
