Nur Otan partııasy Túrkistan oblystyq fılıaly tóraǵasynyń birinshi orynbasary Beısen Tájibaev, Túrkistan oblysy mádenıet basqarmasynyń basshysy Ázimhan Qoılybaev, Q.A.Iаsaýı atyndaǵy HQTÝ prorektory Kamalbek Berkinbaev, professor, dintanýshy Dosaı Kenjetaıuly jáne BAQ ókilderi qatysqan saltanatty shara barysynda kompozıtordyń «Tanymal ánniń tarıhy» kitabynyń tusaýy kesildi. Kitapta professor, Mádenıet qaıratkeri, Jastar syılyǵynyń laýreaty, kompozıtor Bekjigit Serdáliniń tanymal ánderdiń avtorlaryn taýyp alyp, án tarıhyna qatysty óz aýyzdarynan, kóz kórgen zamandastarynyń estelikterinen jazyp alǵan esseleri toptastyrylǵan.
Shyǵarmashylyq keshke kelgen qonaqtar arnaıy quttyqtaý hattaryn tapsyryp, sazgerge syı-sııapat kórsetti. Kesh sońynda oblystyq mádenıet basqarmasyna qarasty «Ońtústik-fılm» mekemesi ázirlegen «О́mirde de, ónerde de san qyrly» atty fılm kópshilik nazaryna usynyldy.
Túrkistan oblysy
