Elbasy talabyna oraı búkil elimiz boıynsha sózbuıdalyqty, bıýrokrattyqty, ákimshilik kedergilerdi joıý jolyndaǵy qozǵalys óristep otyr. Munyń ońtústik astanadaǵy ádilet salasynyń qyzmetkerlerine de tikeleı qatysy bar. Keleńsiz sybaılastyqtyń kez kelgen kórinisterin azaıtýǵa shuǵyl betburys jasalýda. Mundaǵy halyqqa qyzmet kórsetý ortalyqtarynda jeke adamdardyń jáne zańdy tulǵalardyń ótinishteri boıynsha jyljymaıtyn múlikke quqyqtardy memlekettik tirkeý iske asyrylady.
Elbasy talabyna oraı búkil elimiz boıynsha sózbuıdalyqty, bıýrokrattyqty, ákimshilik kedergilerdi joıý jolyndaǵy qozǵalys óristep otyr. Munyń ońtústik astanadaǵy ádilet salasynyń qyzmetkerlerine de tikeleı qatysy bar. Keleńsiz sybaılastyqtyń kez kelgen kórinisterin azaıtýǵa shuǵyl betburys jasalýda. Mundaǵy halyqqa qyzmet kórsetý ortalyqtarynda jeke adamdardyń jáne zańdy tulǵalardyń ótinishteri boıynsha jyljymaıtyn múlikke quqyqtardy memlekettik tirkeý iske asyrylady.Osy rettegi ákimshilik kedergilerdi azaıtý, sybaılastyq kórinisterin boldyrmaý maqsatynda Qazaqstan Respýblıkasynyń zańnamalarynda, sonymen birge tirkeýshi organdarda atalmysh rásimdemelerdiń júzege asyrylýyn ońaılatýǵa jáne jetildirýge baǵyttalǵan birqatar pármendi sharalar qabyldanýda. Aıtalyq, baspanalyq jáne baspanalyq emes menshik nysandaryn memlekettik tirkeý úshin alynatyn salyq kólemi bes eseden astam azaıtyldy. 2009 jyldyń sońynan bastap azamattar qajet bolǵan jaǵdaıda zańda kórsetilgen mólsherdegi memlekettik alymdy tólep, jedel tirkeý qyzmetin esh kedergisiz paıdalana alady. Mundaǵy memlekettik alym kólemi 2011 jyldan beri páterlerdi rásimdeý úshin – 28 aılyq eseptik kórsetkishten beseýge deıin, baspanalyq emes orynjaılar úshin – 35-ten 25-ke deıin tómendetildi. Tirkeý merzimderi 15-ten 5 kúnge deıin qysqardy. Memlekettik standart talaptaryna sáıkes jyljymaıtyn múlikke quqyqtardy jedel tirkeý qyzmeti tirkeýshi organǵa ótinish túskennen keıin kelesi jumys kúni usynylyp, odan arǵy jumys kúni daıyn qujattar tabys etiledi.
2010 jyldyń ekinshi jartysynan bastap jyljymaıtyn múlikke tirkelgen quqyqtar jáne onyń tehnıkalyq sıpattamalary týraly elektrondy anyqtamalardy, sondaı-aq jyljymaıtyn múliktiń bar-joqtyǵy týraly anyqtamalardy tikeleı halyqqa qyzmet kórsetý ortalyqtarynan jarty saǵatta alý múmkin etildi. Bul qyzmet buryn úsh jumys kúni ishinde atqarylýshy edi.
Neke kelisimi bolǵan jaǵdaıdaǵy quqyqtardy tirkeý tártibi belgilendi. Iаǵnı, eger nekelik kelisimde erli-zaıyptylardyń jyljymaıtyn múlkine úlestik jáne derbes menshiktilik belgilense, onda tirkeýshi organ neke kelisimin eki dana etip beredi. Olardyń bireýi túpnusqa nemese notarıaldyq túrde rastalǵan kóshirme bolyp tabylady. Jyljymaıtyn múlikke quqyqtardy tirkeý salasynda engizilip jatqan jańalyqtar da barshylyq. Sonyń negizgisi – elektrondy tirkeý tártibi 2013 jyly iske qosyldy.
Sybaılastyq turǵydaǵy quqyq buzýshylyqtardy boldyrmaý jáne azamattarǵa belgili bir qolaılylyq týǵyzý maqsatynda Almaty qalasy Ádilet departamenti ǵımaratynyń birinshi qabatynda azamattardy qabyldaıtyn arnaıy bólme jabdyqtaldy. Qabyldaýdy júrgizetin mamandar azamattarǵa túıtkildi máseleler boıynsha keńes beredi, halyqqa olardyń ótinishteriniń toqtatylýynyń nemese oryndalmaı qalýynyń sebepterin negizdep túsindiredi. Sybaılas jemqorlyqqa jol bermeý úshin bul bólmede beınebaqylaý ornatylǵan. Sondaı-aq, senim telefony qoıylyp, munyń ózi azamattarǵa departament jumysy týraly óz pikirlerin bildirýge, qajet bolǵan jaǵdaıda tıisti qolushyn bermegen qyzmetkerlerdiń is-áreketine shaǵym aıtýǵa múmkindik bergen.
Taleı GALANDAROV,
Almaty qalasy Ádilet departamenti jyljymaıtyn múlik quqyqtaryn tirkeý bóliminiń jetekshi mamany.
ALMATY.
