Jer óńdeýshiniń jaýapkershiligi artýy tıis, qazir aýyl sharýashylyǵynda jer astyq egýshilerdiń qolynda, olar odan mıllıardtaǵan qarajat alady. Esesine shaǵyn jekemenshik fermalar men aýladaǵy baqshalardy damytýǵa bólinetin qarajat mardymsyz. Sondyqtan da biz búgingi kúni Úkimetke arnaıy usynys jasap, jerdi óńdeýge alǵan adam sút, et pen jumyrtqa óndirý boıynsha jaýapkershilikten qashpaýy kerektigin alǵa tartyp otyrmyz, dedi Kommýnıstik halyq partııasynyń ókili, Parlament Májilisiniń depýtaty Vladıslav Kosarev Ortalyq telekommýnıkasııa qyzmetinde bolǵan brıfıngte.
Jer óńdeýshiniń jaýapkershiligi artýy tıis, qazir aýyl sharýashylyǵynda jer astyq egýshilerdiń qolynda, olar odan mıllıardtaǵan qarajat alady. Esesine shaǵyn jekemenshik fermalar men aýladaǵy baqshalardy damytýǵa bólinetin qarajat mardymsyz. Sondyqtan da biz búgingi kúni Úkimetke arnaıy usynys jasap, jerdi óńdeýge alǵan adam sút, et pen jumyrtqa óndirý boıynsha jaýapkershilikten qashpaýy kerektigin alǵa tartyp otyrmyz, dedi Kommýnıstik halyq partııasynyń ókili, Parlament Májilisiniń depýtaty Vladıslav Kosarev Ortalyq telekommýnıkasııa qyzmetinde bolǵan brıfıngte.
Jýrnalıster aldyna shyqqan depýtat, sondaı-aq, memlekettik sheneýnikterdi búgingi jaǵdaı talap etetindeı deńgeıde jumys jasaı almaı otyr dep synǵa aldy. Memlekettik sheneýnik, meıli ol mınıstr bolsyn, meıli premer nemese jergilikti deńgeıdegi sheneýnik bolsyn basty nárseni esten shyǵarmaýy kerek – ol halyq úshin qyzmet etip, el úshin eńbek etý. Al bizdiń sheneýnikterdiń kópshiligi qazir muny túsinińkiremeıtin tárizdi, olardyń bizdiń jaǵdaıymyz talap etetindeı deńgeıde jumys atqarý qoldarynan kelmeıdi, deı kele, depýtat Úkimettiń et, sút ónimderin óndirýshilerdi qoldaý qajettigin atap kórsetti. Búgingi tańda aýyl sharýashylyǵy salasynda basty másele sút jınaý men ony óńdeýge kelip tireletinine toqtaldy.
Qazir Qazaqstanda súttiń 30 paıyzy ǵana óńdelip júr, et óndirisinde de dál osyndaı problemalar qordalanǵan. Al máseleniń mánisi jerdiń bári jekesheniń qolynda bolyp otyrǵandyǵynda, dep túıip aıtqan depýtat, halyqty jumyspen qamtý máselesindegi oılaryn da ortaǵa saldy. Jumyspen qamtý máselesi – bul bizdiń partııanyń máselesi. Biz partııa qurylǵaly osy jumyspen aınalysyp kelemiz. Sondyqtan da, azamattardy jumyspen qamtý máselesi qyrýar qarajatty qajet etpeıdi dep sanaımyz. Údemeli ındýstrııalyq-ınnovasııalyq damý baǵdarlamasy boıynsha bir jumys ornyn ashý úshin 260 dollar ketse, al aýylda ónim shyǵarý úshin eki qolǵa bir kúrek bolsa da jetip jatyr, dedi fraksııa jetekshisi.
Kommýnıst-depýtat Jambyl Ahmetbekov óz sózinde Úkimet jumysyna kóńilderdiń tolmaıtyn tusyna toqtaldy. Bıýdjettik baǵdarlamalardyń orynsyz qymbattaýyn túsinikti tilmen aıtar bolsaq, ol qazynanyń qarjysyn talan-tarajǵa salýdy zańdastyrý dep túsinýge bolady, degen ol mektep pen aýrýhanalar salynýy smetasynda bir-birinen óte kóp mólsherde alshaq jatqan aıyrmashylyqtyń bolýyn aqsha qymqyrýdyń joly dep qabyldaıtyndaryn bildirdi. Sondaı-aq, kommýnıster fraksııasynyń máseleni qarap, Úkimetke elimizde salynatyn áleýmettik nysandardyń barlyǵyn ortaq tıpti jobamen salý týraly usynystaryn, depýtattyq saýaldaryn jibergenderin ortaǵa salǵan.
J.Ahmetbekov «Turǵyn úı qurylys jınaq bankiniń» basshylaryn jaýapqa tartyp, olarǵa ótip ketken 12 páterdi qaıtarýmen másele tolyqqandy sheshildi dep aıtýǵa bolmaıtynyn alǵa tartty. Qazir baspanasyz halyqtyń úmiti Úkimette. Al Úkimet óziniń naqty josparyn áli kúnge deıin usyna almaı otyr. Astana men Almaty qalalarynda árbir sharshy metri 3-5 myń dollar turatyn elıtalyq úılerdiń ornyna 5-7 ese arzan, 500-750 dollar turatyn buqara halyqqa qoljetimdi baspanany nege salmasqa? Ipotekalyq nesıege úı alǵan azamattar bankterdiń aıaýsyz qaqpanyna túsip, olardyń «paıyzdyq ústemesine» jem bolyp jatyr. Qazirgi kezde bul másele áleýmettik mańyzy bar úlken problemaǵa aınaldy. Úkimet bolsa, osy problemanyń sheshimin tappaı, alystan baqylap otyr, dedi J.Ahmetbekov.
Depýtat ári qaraıǵy oıynyń jelisin turǵyn úı-kommýnaldyq sharýashylyq qyzmetterine tarıfterdiń qymbattaýyna burdy. Shyndyǵynda, bul – óte kúrdeli másele. Júrgizilgen turǵyn úı-kommýnaldyq sharýashylyq salasyndaǵy reformalar turǵyndardyń múddelerin eskermeı jasaldy. Osynyń saldarynan monopolıst kompanııalardyń «tábetine» Úkimet tarapynan tyıym bolmaýy halyqtyń oryndy narazylyǵyn týdyryp otyr, deı kele, sóziniń jalań aıyptaý emes, naqty derekter men faktilerge negizdelgen shynaıy aqparat ekenin alǵa tartty. Úkimettiń áreketsizdigi monopolısterdiń halyqtyń esebinen paıda tabýyna jol berip otyr. Tabıǵı monopolıster týraly zańnyń normalaryna sáıkes tutynýshylardyń eseptegish quraldary bolýy tıis. Bul monopolıst kompanııa esebinen ornatylýy kerek. Alaıda, olar eseptegish quraldardy ornatýdyń ornyna saralanǵan tarıfter arqyly 200-300 ese paıyzben paıda taýyp otyr. Jylý, sý, gazben qamtamasyz etý máselelerinde de monopolısterdiń áreketin áshkereleıtin naqty dálelder barshylyq. Biz osylarǵa baılanysty Úkimetke depýtattyq saýal joldaǵanbyz, dedi J.Ahmetbekov.
Al Májilis depýtaty Aıqyn Qońyrov eldegi zeınetaqy júıesin jańǵyrtý máselelerine toqtala kele, buǵan qatysty partııanyń óz ustanymy bar ekenin jetkizdi. Árıne, zeınetaqynyń biryńǵaı jınaqtaý qoryn qurýǵa qatysty biz óz pikirimizdi bildirdik, biz ondaı qordyń qurylýyn qoldaımyz. Alaıda, ýaqyt kórsetip otyrǵanyndaı, jekemenshik jınaqtaýshy zeınetaqy qorlarynan qarajat tartýda úlken problemalar týyndap otyr. Soǵan oraı, bizdiń partııanyń zeınetaqy júıesin jańǵyrtýǵa qatysty negizgi ustanymy – bizge zeınetaqynyń yntymaqty júıesine oralý qajettigi, dedi A.Qońyrov.
Anar TО́LEÝHANQYZY,
«Egemen Qazaqstan».
ASTANA.
