Keshe Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov Azııa saılaý organdarynyń qaýymdastyǵy Atqarý komıtetiniń otyrysyna qatysty (ASOQ).
Keshe Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov Azııa saılaý organdarynyń qaýymdastyǵy Atqarý komıtetiniń otyrysyna qatysty (ASOQ).
ASOQ halyqaralyq úkimettik emes uıym bolyp tabylady. Ol 1998 jyly quryldy jáne qazirgi kezde Azııanyń 17 memleketiniń ortalyq saılaý organdaryn biriktiredi.
Qaýymdastyqty qurýdyń negizgi maqsattary Azııa óńirinde demokratııany qoldaý maqsatynda ashyq jáne aıqyn saılaý ótkizý úshin ádisterdi talqylaý jáne oılap tabý, sondaı-aq, saılaý organdary arasynda aqparat almasý úshin saıası beıtarap alańyn qurý boldy.
2011 jylǵy qarashada ASOQ Bas assambleıasynyń otyrysynda Qazaqstan Respýblıkasy Ortalyq saılaý komıssııasy onyń basqarýshy organy – Atqarý komıtetiniń múshesi bolyp saılandy.
ASOQ Jarǵysynyń 3.7-babyna sáıkes Atqarý komıtetiniń otyrystary jyl saıyn ótkiziledi. Osy jyly ASOQ Hatshylyǵy men Fılıppın saılaý komıssııasy uıymdastyrǵan otyrys Borakaı aralynda ótti.
Atqarý komıtetiniń otyrysynda ASOQ Atqarýshy hatshysynyń laýazymy bekitildi, О́zbekstan men Maldıv araldary ortalyq saılaý organdarynyń ASOQ-qa kirý týraly ótinishteri qaraldy, qarjylyq esebi bekitildi, Dúnıejúzilik saılaý organdary qaýymdastyǵynyń (DSOQ) quryltaı otyrysynyń nátıjeleri týraly esep tyńdalyp, ASOQ pen DSOQ arasynda ekijaqty baılanystar ornatý boıynsha josparlar talqylandy, sondaı-aq ASOQ Bas assambleıasynyń otyrysyn 2014 jyly ótkizý orny týraly sheshim qabyldandy.
Q.Turǵanqulov Ońtústik Koreıa, Úndistan, Fılıppın jáne Taıvan ortalyq saılaý organdary delegasııalarynyń basshylarymen birqatar kezdesýler ótkizip, Fılıppın saılaý júıesimen jáne saılaý organdarynyń qurylymymen tanysty.
«Egemen-aqparat».
