Otyrys barysynda depýtattar "2014 jylǵy 29 mamyrdaǵy Eýrazııalyq ekonomıkalyq odaq týraly shartqa ózgerister engizý, sondaı-aq jekelegen halyqaralyq sharttardyń qoldanysyn ózgertý jáne toqtatý týraly hattamany ratıfıkasııalaý týraly" zańdy qabyldady.
"Eýrazııalyq ekonomıkalyq odaq Elbasymyzdyń bastamasymen quryldy. Onyń jumysyn órkendetýge Memleket basshysy da basa mán berip otyr. Eýrazııalyq ekonomıkalyq odaq, eń aldymen, ekonomıkalyq damýdy, taýar aınalymyn arttyrýdy jáne ınvestısııa salasyndaǵy yntymaqtastyqty kúsheıtýdi kózdeıdi. Búgin qabyldanyp otyrǵan zań jańa kedendik bajdardy belgileý arqyly joǵaryda atalǵan maqsattardy iske asyrýǵa úlesin qosady dep senemiz", dedi Máýlen Áshimbaev.
EAEO elderi arasyndaǵy kedendik ákelý bajdaryn bólýdiń jańa normatıvteri týraly depýtat Sergeı Karplıýk aıtyp berdi. Hattama boıynsha Belarýs Respýblıkasy úshin kedendik ákelý bajdaryn bólý normatıvi kóbeıtilgen. Sebebi, Belarýs elinde kedendik bajdardy jınaý koeffısıenti bólý normatıvinen kóp. Al Qazaqstan ımporttyń qazirgi kólemin saqtaǵan jaǵdaıda saldo boıynsha oń kórsetkishke qol jetkizedi.
"Hattama arqyly quziretti organdardyń kedendik ákelý baj somalaryn túsirýdi jáne bólýdi durys oryndaýyn, olardyń Eýrazııalyq ekonomıkalyq odaqqa múshe memleketterdiń bıýdjet kirisine aýdarýyn baqylaý tártibi týraly ereje jáne aqparat almasý máseleleri anyqtalady", dedi Sergeı Karplıýk.
Sonymen qatar otyrysta senatorlar birqatar depýtattyq saýal joldady. Senat vıse-spıkeri Asqar Shákirov pen depýtat Lázzat Súleımen turǵyn úı saıasatyn iske asyrýdaǵy problemalardy kóterdi. Edil Mamytbekovtiń saýalynda ónerkásip saıasatyna, onyń ishinde "О́nerkásip saıasaty týraly" zań jobasyn ázirleýge qatysty másele qozǵaldy. О́z kezeginde senator Olga Býlavkına shekara mańyndaǵy aýyldardaǵy jaǵdaıǵa nazar aýdardy.
