Májiliste palata Tóraǵasy Nurlan Nyǵmatýlınniń Kanadanyń Syrtqy ister mınıstri Djon Berdpen kezdesýi ótti, dep habarlady osy palatanyń baspasóz qyzmeti.
Májiliste palata Tóraǵasy Nurlan Nyǵmatýlınniń Kanadanyń Syrtqy ister mınıstri Djon Berdpen kezdesýi ótti, dep habarlady osy palatanyń baspasóz qyzmeti.
Nurlan Nyǵmatýlın Kanada Qazaqstannyń mańyzdy saıası jáne ekonomıkalyq áriptesi ekenin basa aıta kelip, atalǵan elmen uzaq merzimdi jáne syndarly qarym-qatynasty damytýdyń qajettigine toqtaldy.
Sonymen qatar, Májilis Tóraǵasy Prezıdenttiń «Qazaqstan-2050» Strategııasyn júzege asyrý jolynda bizdiń elimizdiń saýda-ekonomıkalyq salada, ınvestısııalyq áriptestik, aýyl sharýashylyǵy, atom ónerkásibi, sondaı-aq, ınnovasııa jáne «jasyl» tehnologııa baǵyttarynda yqpaldastyqty kúsheıtýge yntaly ekendigine basa nazar aýdardy.
Djon Berd óz kezeginde bizdiń elimizdiń osy ýaqyttar ishinde jetken jetistikterine nazar aýdaryp, óz tańdanysyn jasyrmady. Sózin sabaqtaı kelip:
– Búkil álem Qazaqstannyń qarqyndy damyp kele jatqan memleket ekenin biledi. Sizderdiń Prezıdentterińiz Nursultan Nazarbaev ıadrolyq qarýdy taratpaý máselesinde kóshbasshy retinde tanymal, – dedi.
Taraptar halyqaralyq deńgeıdegi máseleler tóńireginde pikir almasa kelip, Aýǵanstandaǵy jaǵdaıdy retteý jáne turaqtylyq ornatý jaıynda da óz oılaryn ortaǵa saldy.
Parlamentaralyq, sonyń ishinde eki palata arasynda parlamentaralyq is-qımyldy nyǵaıtý jaıy da nazardan tys qalmady. Sondaı-aq, qos memlekettiń parlamentterinde qurylǵan yntymaqtastyq jónindegi toptardyń da ózindik yqpaly zor bolmaq.
Májilis Tóraǵasy men Kanada Syrtqy ister mınıstri aldaǵy ýaqytta da parlamentaralyq baılanyspen qatar, Qazaqstan-Kanada qatynasy odan ári jan-jaqty tereńdeıtinine senim bildirdi.
