Qonystanýshylar jańa úıdiń aldynda óńir basshysymen birge shyrsha otyrǵyzdy. Ekibastuzdyqtar bul aǵashtar 8-10 jyldan keıin aýlanyń árin kirgizetinine senimdi.
"Búgin "Nurly jer" baǵdarlamasy aıasynda 144 otbasy páter alatynyna qýanyshtymyn. Bıyl Ekibastuzda aýdany 56 myń sharshy metrge jýyq turǵyn úı paıdalanýǵa beriledi, bul 1000-nan astam páter. Qalada mundaı kólemde turǵyn úı qurylysy bolmaǵaly biraz ýaqyt boldy. Ár otbasyna baqyt pen amandyq tileımin. Sizderdi jańa qonystaryńyzben quttyqtaımyn!" - dep atap ótti Pavlodar oblysynyń ákimi Ábilqaıyr Sqaqov.
Alǵash bolyp páter alǵandar qatarynda Gúlmıra Asqarova da bar. Kóp balaly, ári jalǵyz ilikti ana bul sátti segiz jyl kútkenin jetkizdi.
"Meniń birinshi balam múgedek, joldasym joq, páter kezeginde turǵanyma segiz jyl boldy. Búgin meniń tóbem kókke jetti. Neshe jyldan beri ańsaǵan armanym oryndaldy. Osyndaı keremet úı salyp bergen memleket pen qurylysshylarǵa alǵysym sheksiz", - dep ol qýanyshyn jasyra almady.
Jańa toǵyz qabatty úı paıdalanýǵa berilgen shaǵyn aýdanda taǵy tórt úıdiń qurylysy aıaqtalýǵa jaqyn. Jospar boıynsha jyl sońyna deıin bul aýlada 432 otbasy turatyn bolady.
