Memleket Basshysy Qazaqstan halqyna bıylǵy Joldaýynda ýchaskelik polısııa ınspektorlaryna qoıylatyn talaptardyń kúsheıtiletinin jáne olarǵa memleket tarapynan jaǵdaı jasaý qajettiligi týraly aıtqan bolatyn. Almaty oblysynyń ortalyǵy Taldyqorǵan qalasyndaǵy 11 ýchaskelik polısııa pýnktiniń altaýy tártip saqshysyna arnalǵan turǵyn úımen japsarlasa salynǵan.
“Turǵyn úımen japsarlasa salynǵan ýchaskelik polısııa pýnkti óziniń tıimdi ekenin talaı márte dáleldedi. Árbir polısııa pýnktine “Nıva” markaly qyzmettik kólik berilgen. Iаǵnı, memleket tarapynan kólik pen turǵyn úı máselesi sheshilgen ýchaskelik polısııa ınspektory esh alańdamastan ákimshilik ýchaskesindegi quqyqtyq tártipti qamtamasyz etýge bar kúshin arnaıdy. Nátıjesinde bıyl quqyq buzýshylyqtar sany azaıdy”,- dedi Taldyqorǵan QPB bastyǵy Asqar Nursapa.
Ýchaskelik polıseıdiń óz ákimshilik aýmaǵynda turatynyna jergilikti turǵyndar da rıza.
“Buryn qarańǵy túsken kezde kóshelerde mas adamdar júrip, dúkenge barýǵa qorqatynbyz. Qazir barlyǵy jaqsy boldy. О́ıtkeni, ýchaskelik polısııa ınspektory aýylda turatyn bolǵandyqtan, tártip ornady. Kez kelgen ýaqytta máselemizdi aıtyp, ýchaskelik pýnktke kelsek, ınspektordy tabatynymyz óte yńǵaıly”,- dedi О́tenaı aýyldyq okrýginiń turǵyny Nına Karmachýnova.
О́zge aýyl turǵyndary da ýchaskelik polıseılerge memleket tarapynan qoldaý kórsetilgeni óte durys dep sanaıdy. “Men buryn ózim de ishki ister organdarynda qyzmet atqarǵanmyn. Ýchaskelik polıseılerge jaǵdaı jasaý qajet, óıtkeni olar ýaqytpen sanaspaı qyzmet atqarady. Qylmystyń kóbi túnde jasalatyndyqtan, ákimshilik aýmaqqa jaýapty tártip saqshysy barlyq ýaqyty men kúsh-jigerin tek jumysqa baǵyttaýy tıis. Polısııa qyzmetkerleriniń qazirgi jumysyna rızamyz, qyzmetterinde shapshańdyq, tártip pen kishipeıildik sezilip turady”,- dedi aýyldyq Aqsaqaldar alqasynyń tóraǵasy Bedelbek Súleımenov.
О́z kezeginde, osyndaı turǵyn úımen qamtamasyz etilgen О́tenaı aýyldyq okrýginiń aǵa ýchaskelik ınspektory Azamat Ábdildaev ta bul jobanyń tıimdiligin atap ótti.
“Otbasym qyzmettik turǵyn úımen qamtamasyz etilgendikten, jumys barysynda áleýmettik problemalarǵa alańdamaımyn. Turǵyndar meni táýliktiń kez kelgen ýaqytynda jumys ornymnan taba alatynyn biledi. Bul – óte tıimdi joba. Aýmaqtaǵy turǵyndarmen etene jaqyn aralasyp, olardy taný úshin biz ózimiz qyzmet etetin aýmaǵymyzda turýymyz qajet”,- dedi ýchaskelik ınspektor Azamat Ábdildaev.
