«Atyraý oblysynyń aýmaǵynda 2020 jylǵy 16 qazan saǵat00:00-den bastap COVID-19-dyń epıdemıologııalyq ahýaly turaqtanǵanǵa deıin shekteý sharalary uzartylsyn» delingen qaýlyda.
Qaýlyǵa sáıkes, kórmeler, forým, konferensııa, sondaı-aq, otbasylyq, eske alý (banket, toı, mereıtoı, sadaqa), onyń ishinde úıde jáne adamdar kóp jınalatyn ózgede sharalardyń ótkizilýine, dýmandy, aýqymdy sporttyq sharalarǵa, oıyn-saýyq ortalyqtarynyń (karaoke, bılıard, kompıýterlik klýb, túngi klýbtar, boýlıng ortalyqtar, jabyq úı-jaılardaǵy balalardyń oıyn alańdarymen attraksıondar, batýttar jáne basqalary), fýdkort, banket zaldary, býkmekerlik keńselerdiń, kınoteatrlardyń (ashyq aýadaǵy kınoteatrlardy qospaǵanda) qyzmetine tyıym salyndy.
Mundaı tyıym qoǵamdyq jaǵajaılardyń, akvaparkterdiń, attraksıondar men saıahattaý katerler (ózen tramvaıy) qyzmetine de salynyp otyr.
Sondaı-aq, qalaaralyq, aýdanaralyq jáne qala mańyndaǵy jolaýshylar avtobýs tasymalyna, 50 adamnan aspaıtyn mádenı nysandardyń, teatrlardyń kitaphanalardyń, murajaılardyń, dinı obektilerdiń qyzmetine (meshitter, shirkeýler, soborlar, sınagogalar jáne t.b.) ujymdyq is-sharalardy ótkizbeı, jeke rejımde ruqsat berildi. Aldyn ala jazylý boıynsha saǵat 09:00-den 22:00-ge deıin jalpy syıymdylyǵy 30%-dan, biraq 50 adamnan aspaıtyn basseınder, saýda-oıyn-saýyq ortalyqtary, saýda úıleri (býtıkterdiń), saýda jelileri jumys isteıdi.
SPA-ortalyqtary, sulýlyq salondary, shashtarazdar, kosmetıkalyq jáne kosmetologııalyq qyzmetter kórsetetin ortalyqtar men salondar, manıkıýr jáne pedıkıýrler kelýshilerge qyzmet kórsetedi. Saýnalar men jattyǵý zaldarynyń, fıtnes ortalyqtarynyń, sport seksııalarynyń, sporttyq-saýyqtyrý ortalyqtarynyń qyzmetine saǵat 22:00-ge deıin ruqsat etildi.
