Amerıka Qurama Shtattarynyń prezıdenti Barak Obamanyń el ishindegi reıtıngi barǵan saıyn tómen qaraı quldyrap barady. Bul týraly «Lenta.Rý» habarlady.
Aqparat agenttiniń baıandaýynsha, suraý salynǵan amerıkalyqtardyń 54 paıyzy prezıdenttiń is-áreketine razy emes ekenderin bildirgen. Osynyń ózi buǵan deıin prezıdentter arasyndaǵy reıtınginiń eń tómeni bolyp otyr.
«Árbir jańa prezıdenttiń basynda bolatyny sııaqty, Barak Obamanyń ózin 50 paıyzdyq deńgeıde qoldaǵan saılaýshylarmen «bal aıy» ótti. Osy «neke kezeńiniń» múmkindigine qaraı ol sol deńgeıdi biraz ýaqyt ustap tura aldy. Búgin birinshi ret bul kórsetkish 40 paıyzǵa deıin tómendedi», - dedi Kvınnıpeks ýnıversıteti dırektorynyń orynbasary Tım Malloı.
Qoǵamdyq pikirge suraý salý málimetteri boıynsha, respondetter arasynda Obamany qoldaýshylar deńgeıi 39 paıyzǵa deıin túsken. Malloı sondaı-aq saılaýshy áıelderdiń de prezıdentke syn kózimen qarap otyrǵanyn jetkizdi. Olardyń 41 paıyzy ǵana prezıdenttiń is-áreketin qoldaıtyn bolyp shyqty. Al qarsy shyqqandar qatary 51 paıyz bolǵan.
Sáken Maılybaı.
