Marapattalýshylardyń arasynda koronavırýs indetimen kúresýde aıtarlyqtaı úles qosqan Qarýly Kúshterdiń ofıserleri, serjanttary men sarbazdary, kýrsanttar jáne azamattyq personal da bar.
Saltanatty is-shara kúni buryn «Ońtústik» óńirlik qolbasshylyq áskerlerinde ótti. Bul óńirlik qolbasshylyqtyń áskerı bólimderinen tótenshe jaǵdaı rejımi jáne karantındik sharalardy saqtaýdy qamtamasyz etýge eki myńǵa jýyq áskerı qyzmetshi tartylǵan.
"Ońtústik" óńirlik qolbasshylyǵynyń áskerı qyzmetshileri azamattardyń densaýlyǵy men ómirin qorǵaý úshin bir kisideı aıaǵynan tik turdy. Olar azamattardyń qaýipsizdigi, eldiń egemendigi men Qazaqstan qol jetkizgen barlyq jetistikterin qorǵaý jolynda Otan qorǵaýshy ataǵyna ábden laıyqtylar", – dep atap ótti óńirdiń qolbasshysy general-maıor Qaıdar Qaraqulov.
Elimizdiń Qarýly Kúshteri tótenshe jaǵdaıdy qamtamasyz etý is-sharalaryna alǵashqy kúninen bastap tartyldy. 10,5 myńnan astam áskerı qyzmetshi dezınfeksııalaý jumystaryna, blokbeketterde kezekshilik atqarýǵa, patrýldik jumystaryna qatysyp, shetelden júzdegen otandastyrymyzdy evakýasııalaý men gýmanıtarlyq kómekti jetkizýge atsalysty. 29 qalada dezınfeksııalaý jumystary júrgizildi. TJ kezinde jalpy kólemi 50 mıllıon sharshy metrdi quraıtyn áleýmettik mańyzdy nysandar, 4000 shaqyrymǵa jýyq joldar zalalsyzdandyryldy. Áskerı qyzmetshilerdiń qatysýymen qoǵamdyq tártipti buzýdyń 1225 faktisi jáne 35 qylmystyq quqyq buzýshylyqtyń joly kesildi.
Sonymen qatar júzdegen áskerı qyzmetshiler birneshe ýaqyt boıy úılerinen myńdaǵan shaqyrym jerde qyzmetterin atqarýǵa týra keldi.
Barlyq áskerı-medısınalyq mekemeler koronavırýspen kúresýge belsendi atsalysyp, ózderiniń joǵary daıyndyqtary men kásibı biliktilikterin kórsetti.
