"Biz adamdardy sportqa baýlý úshin kóbirek jaǵdaı jasaýdy jalǵastyramyz. Jańartylǵan júgirý joly, jańa work out aımaǵy, streetball turǵyndar arasynda tanymal bola bastaǵanyn kórýqýantady. Pandemııa kezinde bul óte mańyzdy", - dedi Esil aýdanynyń ákimi Berik Jákenov.
Sondaı-aq Esil aýdanynda osy jazda eki mýral salyndy. Olardyń biri Ehro-2017 aýmaǵynda ornalasqan jáne "Máńgilik El" derekti fılminiń bir bóligi bolyp tabylady. Onda búkil Qazaqstannyń kartasy mozaıka sekildi beınelengen. Monýmentaldy týyndynyń aýdany-600 sharshy metr.
"Ǵaryshtyq orta" dep atalatyn taǵy bir keremet sýret alańnyń tikeleı sahnasynda ornalasqan. Aýdany 1 myń sharshy metrdi quraıdy. Ǵarysh taqyryby bos keńistikke óte jaqsy sáıkes keledi. Kópirdiń astynan ótip, siz ǵarysh denelerin, juldyzdy shań men jumbaq planetalardy kóre alasyz.
Sonymen qatar Máńgilik El dańǵylyndaǵy jaıaý júrginshiler kópiriniń astynda sándik jaryqdıodty jaryqtandyrý paıda boldy. Projektorlar uıashyqtarda ornalasqan, bul ádemi kórinis pen estetıka syılaıdy. Artqy jaryǵy kópirdiń jalpy jaryqtandyrýyna qosylǵan jáne taımer arqyly qosylady (saǵ. 22:00).
Barlyq ıdeıalar "Nur-Sultan-jaıly qala" master-jospary boıynsha iske asyrylǵan.
Esterińizge sala keteıik, osy jazda "Jumyspen qamtýdyń jol kartasy-2020" baǵdarlamasy aıasynda saıabaqta 3,5 km júgirý jolynyń rezeńke jabyny aýystyryldy, work out kesheni bar úlken aımaq, streetball-da oınaýǵa arnalǵan alań salyndy, ıogamen jáne jekpe-jekpen aınalysýǵa arnalǵan aımaq quryldy, sporttyq trenajerlar sany artty.
Jalpy, elorda turǵyndary men qonaqtaryna yńǵaıly bolý úshin aýlalar men qoǵamdyq keńistikterdi abattandyrýǵa da kóp kóńil bólinedi. Bıylǵy jyldyń ózinde Nur-Sultanda 150 aýla men 50 qoǵamdyq keńistik abattandyryldy. Bul 300 myńnan astam adamǵa sportpen shuǵyldaný úshin qolaıly jaǵdaılarmen qamtamasyz etýge múmkindik beredi.
