17-18 jáne 24-25 qazan kúnderi "Han Shatyr" saýda oıyn-saýyq ortalyǵynyń janyndaǵy alańda aýylsharýashylyq jármeńkeleri ótedi.
Jármeńkege "Magným" iri saýda jelisi jáne jemister men kókónisterdi kóterme jetkizýshiler qatysady.
Jylqy eti 1900 teńgeden (qazy, jaıa kılogrammy 2100 teńgeden) jáne sút ónimderin Qaraǵandy men Aqmola oblystarynyń sharýa qojalyqtary ákeledi. Kúrketaýyq etin Aqtóbe oblysynyń sharýa qojalyqtary, sıyr etin kılogramy 1700 teńgeden - "Mıasnoı Soıýz" jetkizedi.
Soltústik Qazaqstan jáne Pavlodar oblystarynyń óndirýshileri tutynýshylarǵa birinshi jáne eń joǵary surypty un, raps jáne kúnbaǵys maıyn usynady. Baldy Shyǵys Qazaqstan jáne Aqmola oblystarynyń omartashylary ákeledi. Kókónis ónimderin - qyryqqabat, sábiz, qyzylsha, pııazdy Aqmola oblysynyń óndirýshileri satatyn bolady.
Aýylsharýashylyq jármeńkesi óńirlerden azyq-túlik ónimderin deldaldarsyz, tikeleı óndirýshilerden alady, deıdi uıymdastyrýshylar.
Kelýshiler sanıtarlyq normalardy qatań saqtaýy kerek.
