"Memleket basshysy dárigerdiń ortasha eńbekaqysynyń ekonomıkadaǵy ortasha eńbekaqyǵa araqatynasyn 2023 jylǵa qaraı 2,5 esege jetkizý mindetin alǵa qoıdy. Áleýmettik qoldaý sharalary men kepildikter júıesi esebinen, ómir súrýge jaqsy jaǵdaılar jasaý, kóterme quraldardyń qalypty deńgeıin qamtamasyz etý arqyly dárigerdiń jáne jalpy medısına qyzmetkeriniń mártebesin kóterý qajet. Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyna sáıkes, dárigerdiń ortasha eńbekaqysynyń ekonomıkadaǵy ortasha eńbekaqyǵa araqatynasy 2023 jyly bir eńbekaqyǵa shaqqanda 1,8 deıin jetkiziletin bolady, al 2025 jyly Qazaqstanda bir stavkada jumys isteıtin dárigerdiń ortasha eńbekaqysy keminde 550 000 teńgeni quraıdy. Dárigerdiń ortasha aılyq eńbekaqysynyń 1 laýazymǵa araqatynasynyń josparlanǵan ındıkatory 2020 jyly aımaq ekonomıkasyndaǵy qyzmetkerdiń ortasha aılyq nomınaldy eńbekaqysyna 1: 1,3 quraıdy", - dep atap ótti spıker.
Aıta keteıik, sońǵy 2 jylda medısına qyzmetkerleriniń eńbekaqysy elý paıyzǵa ósti. Medısına jáne farmasevtıka qyzmetkerleriniń mańyzdy kepildikteri jańa "Halyq densaýlyǵy jáne densaýlyq saqtaý júıesi týraly" kodekste qarastyrylǵan. Qujatta tıisti eńbek jaǵdaılaryn jasaý jáne JQQ qamtamasyz etý, jumys berýshiniń nemese bıýdjettiń esebinen biliktilikti arttyrý nemese ony aýystyrý múmkindigi, eńbekaqy men syıaqylardyń ósýi, qatelikterden saqtandyrý máseleleri kórsetilgen.
