«Ǵylymı jobamnyń taqyryby – «Densaýlyq pen sulýlyq kepili – aloe». Atalǵan ósimdiktiń paıdasy óte kóp. Sońǵy kezde ekologııanyń nasharlaýyna baılanysty teri, asqazan, allergııalyq aýrýlar kóbeıdi. Mundaı aýrýlarǵa qarsy aloe ósimdiginen otandyq ónimder shyǵarýdy kózdep júrmin. Sol sebepten, bolashaqta osy baǵyttaǵy jobamdy jalǵastyryp, ǵylymı jańalyq ashqym keledi» deıdi ǵylymǵa bet burǵan Nurdáýlet Mandııarov.
Oqýshynyń jobasyna hımııa pániniń muǵalimi Farıda Mashyryqova qoldaý bildirip, jetekshilik jasapty.
«Nurdáýlettiń ǵylymı jobasy sátti bastaldy. Tájirıbelik nusqasy jaqsy nátıje kórsetti. Ol aloedan daıyndalǵan ónimniń tabıǵı men paıdaly ekenin ǵylymı turǵydan dáleldedi. Onyń maqsaty – aloeden qoljetimdi ónimder ázirlep, kúndelikti qoldanysqa engizý. Bul baǵytta kóp izdendi. Zertteýshilik daǵdysynyń joǵary deńgeıde ekenin tanytqan oqýshy bul jobany ǵylymı zertteý nysanasyna aınaldyrady» deıdi Farıda Mashyryqova.
