Astanada «Qazaqstan Barysy» qazaq kúresin damytý qorynyń uıymdastyrýymen «Qazaq kúresiniń ótkeni, búgini men bolashaǵy» atty ǵylymı-tájirıbelik konferensııasy ótti.
Jıynda qazaq kúresin zertteýshi ǵalymdar, tarıhshylar, etnograftar, oblystyq federasııalar basshylary men sheteldik qonaqtar, sonyń ishinde shetelderdegi qazaq kúresi federasııalarynyń jetekshileri baıandamalar jasady. Al negizgi baıandamany Dúnıejúzilik qazaq kúresi federasııasynyń prezıdenti Serik Tókıev pen «Qazaqstan Barysy» qazaq kúresin damytý qorynyń qamqorlyq keńesiniń tóraǵasy Arman Shoraev jasady.
Astanada «Qazaqstan Barysy» qazaq kúresin damytý qorynyń uıymdastyrýymen «Qazaq kúresiniń ótkeni, búgini men bolashaǵy» atty ǵylymı-tájirıbelik konferensııasy ótti.
Jıynda qazaq kúresin zertteýshi ǵalymdar, tarıhshylar, etnograftar, oblystyq federasııalar basshylary men sheteldik qonaqtar, sonyń ishinde shetelderdegi qazaq kúresi federasııalarynyń jetekshileri baıandamalar jasady. Al negizgi baıandamany Dúnıejúzilik qazaq kúresi federasııasynyń prezıdenti Serik Tókıev pen «Qazaqstan Barysy» qazaq kúresin damytý qorynyń qamqorlyq keńesiniń tóraǵasy Arman Shoraev jasady.
Serik Tókıev óz sózinde tól kúresimizdi damytýda atqarylǵan jáne qazirgi kezde istelip jatqan jumystar men aldaǵy ýaqytqa josparlanǵan is-sharalar týraly aıtyp berdi. Sonymen birge, ol Dúnıejúzilik qazaq kúresi federasııasynyń eshqandaı memlekettik organnan kómek almaı, tól kúresimizdi óz kúshimen damytyp kele jatqanyn, kúresimizdiń Sport jáne dene-shynyqtyrý isteri agenttigi men Ulttyq olımpıadalyq komıtettiń qoldaýyna zárý bolyp otyrǵanyn atap ótti. Al «Qazaqstan Barysy» qazaq kúresin damytý qory qamqorlyq keńesiniń tóraǵasy Arman Shoraev árbir qazaq úshin tól kúresimizdiń máni men mańyzyn, onyń tarıhymyzda, dúnıetanymymyzda alatyn orny týraly aıta kelip, bolashaqta ony elimizdegi №1 sport túrine aınaldyrý kerektigin, bul úshin bizge mońǵoldar men japondardyń ozyq tájirıbelerin paıdalaný qajettigin atap kórsetti.
Jıynda qazaq kúresiniń mamandary, balýandar, jattyqtyrýshylar men tóreshiler tól kúresimizdiń damý tarıhy men qalyptasý kezeńderi, qazaq kúresi erejesi men tóreshilerdiń biliktiligi, balýannyń kıimi, bolashaq balýandardy tárbıeleý, mamandardy daıyndaý sııaqty máselelerdi talqylady. Jıynda osy máseleler boıynsha qazaq kúresiniń erejesi men tóreshilik jaıyna jáne sporttyq kúrteshege ózgeris engizý týraly usynystar jasaldy.
Konferensııa bes seksııa boıynsha ótti. Onda 1959 jylǵy II KSRO halyqtary Spartakıadasynda qazaq kúresinen kórsetilim beldesýlerine qatysqan Saqataı Amanjolov, qazaq kúresinen tuńǵysh ret sport sheberi atanǵan ardagerler Saılaý Saqaev pen Qýanysh Ábekbaev jáne Meıirhan Amanbaev, sport ardagerleri Serǵalı Jaqsylyqbaev, Hamıt Ysqaq, Qazaqtyń sport jáne týrızm akademııasynyń professory Erǵalı Muhıddınov, qazaq kúresinen Qazaqstan Respýblıkasyna eńbek sińirgen jattyqtyrýshy Dıhanbaı Bıtkózov, memlekettik jattyqtyrýshy Marat Jaqyt sóz sóılep, óz oılaryn ortaǵa saldy. Konferensııa aıasynda tól kúresimizdiń damýyna atsalysqan azamattar «Qazaq kúresine qosqan úlesi úshin» júldesimen marapattalyp, Ádiletti Joǵarǵy Kúres Hartııasy saltanatty túrde qabyldandy.
Konferensııa qorytyndysynda qazaq kúresin damytýda jańa sheshimder qabyldandy. Osy sheshimder men daıyndalǵan materıaldar zańdy qujattar qataryna enýi úshin arnaıy oryndarǵa usynylady.
Dastan KENJALIN,
«Egemen Qazaqstan».
Sýretti túsirgen
Erlan OMAROV.
