Qazaqstan • 17 Qazan, 2020

Balalardy turǵylyqty jeri boıynsha qalaı tirkeýge bolady?

26 ret kórsetildi

QR Memlekettik qyzmet isteri agenttiginiń Aqmola oblysy boıynsha departamenti turaqty negizde Egov.kz portaly arqyly elektrondyq túrde usynylatyn memlekettik qyzmetterdi dáripteýge baǵyttalǵan túsindirý jumystary júrgiziledi, dep habarlaıdy Egemen.kz

Búgingi kúni oblys turǵyndary arasynda ózekti qyzmetterdiń biri balalardy turǵylyqty jerine baılanysty tirkeý bolyp tabylady. Atalǵan qyzmetti qalaı alýǵa bolatyny týraly Departamenttiń memlekettik qyzmetterdi kórsetý basqarmasynyń bas mamany Qanat Aıtymov tolyq aqparat berdi.

Onyń aıtýynsha, eń aldymen balanyń áke-sheshesiniń biri elektrondyq-sıfrlyq qoltańba nemese bir rettik sms-qupııa sóz arqyly Egov.kz portalynda avtorızasııadan ótýi kerek.

Ári qaraı basty bette "Azamattyq, mıgrasııa jáne ımmıgrasııa" qyzmetin tańdaý qajet. Bul jerde qyzmet alýshy "Halyqty tirkeý jáne tirkeý esebinen alyp tastaý" bólimine ótýi qajet.

Budan ári túrli qyzmet túrleri usynylady, al olardyń ishinen "16 jasqa deıingi balalardy turǵylyqty jeri boıynsha tirkeý" qyzmeti tańdalynady. Odan keıin "Onlaın suraý" qyzmetin tańdap, ótinishti toltyryp, oǵan elektrondyq-sıfrlyq qoldańbanyń kómegimen nemese sms-qupııa sóz arqyly qol qoıý kerek.

"Bul rette, sms-qupııa sóz arqyly ótinimge qol qoıý úshin mobıldi azamattar bazasynda tirkeýdiń bolý qajettigin eskerý kerek. Eger sizde mundaı tirkeý bolmasa, sizge operatorǵa beınebaılanys arqyly habarlasý qyzmeti usynylady, ıaǵnı operator onlaın rejimde tirkeýden ótýge kómektesedi", dep málimdedi Q.Aıtymov.

Sońynda jeke kabınette ótinimniń qaralýy týraly habarlamamen tanysýǵa bolady. Sonymen qatar mamannyń aıtýy boıynsha, eger qyzmet alýshy turǵyn úıdiń menshik ıesi bolyp tabylmaǵan jaǵdaıda, balany turǵylyqty jeri boıynsha tirkeý úshin turǵyn úı ıesinen ESQ-men rastalǵan kelisimdi alý qajet. Sonymen qatar, eger birneshe turǵyn úı ıeleri bolsa, olardyń árqaısysynyń kelisimin alý qajet.

Sońǵy jańalyqtar

Vırýs mýtasııaǵa ushyrady

Koronavırýs • Búgin, 17:27

Málik Ǵabdýllın: Zaman, tulǵa, jad

Rýhanııat • Búgin, 12:00

Atyraýdan 100 jigit áskerge attandy

Aımaqtar • Búgin, 10:35

Elimizde koronavırýstan 123 adam aıyqty

Qazaqstan • Búgin, 09:51

Uqsas jańalyqtar