Aımaqtar • 17 Qazan, 2020

Qaraǵandy oblysynda segiz sanıtarlyq beket qoıylady

87 ret kórsetildi

Qazan aıynyń 19-juldyzynan bastap Qaraǵandy oblysynyń perımetri  boıynsha segiz sanıtarlyq beket qoıylmaqshy, dep habarlaıdy Egemen.kz.

Bul týrasynda  jergilikti Saryarqa telearnasynda ótken brıfıngte oblystyq taýarlar men kórsetiletin qyzmetterdiń sapasy men qaýipsizdigin baqylaý komıteti departamenti basshysynyń mindetin atqarýshy Iýrıı Zalygın málimdedi.

Oblystyń Jezqazǵan, Prıozersk qalalary men Ulytaý, Nura, Osakarov, Buqar jyraý jáne Qarqaraly aýdandarynyń kire berisine sanıtarlyq beket qoıý jóninde sheshim qabyldanǵan. Bul jerlerde polısııa men medısınalyq qyzmetkerler júrgizýshiler men jolaýshylardyń densaýlyq jaǵdaıyn tekserip, kezekshilik etetin bolady.

Buǵan qosa qalalarda kópqabatty turǵyn úılerdiń kireberisteri, lıftiler men parkıngter táýligine kem degende eki márte profılaktıkalyq dezınfeksııalaýdan jáne ylǵaldy tazalaýdan ótkiziletin bolady. Balalar men aýla alańdary da kún saıyn dezınfeksııalanady. Jasy 65-ten asqan egde  adamdarǵa qozǵalysty shekteý usynylady.

Shtatynda 30-dan astam adamy bar memlekettik kásiporyndar men uıymdarda qyzmetshilerdiń 50%-y qashyqtan jumys formatyna kóshirilýi tıis. Shetelge shyǵatyn týrıstermen aqparattyq jumysty kúsheıtý talap etiledi.

Elý adamnan asa otyratyn orny bar saýda-oıyn-saýyq ortalyqtarynda, saýda úılerinde, jelilik dúkenderde, qoǵamdyq tamaqtaný pýnktterinde beınekameralar ornatý usynylǵan. Mundaı qadam ereje buzýshylyqtardy naqty ýaqyt rejiminde tirkeý úshin kerek eken. Sondaı-aq, ónerkásiptik kásiporyndarda, avtovokzaldar men avtobeketterde stasıonarlyq teplovızorlar men aqyldy beınebaqylaý júıelerin ornatý talap etiledi.

Jolaýshylar kóligine júktemeni tómendetý maqsatynda kásiporyndar men uıymdardyń saralanǵan jumys kestesi boıynsha másele sheshiletin bolady. Budan bólek, ónerkásiptik kásiporyndardyń basshylary óz qyzmetkerlerin jumysqa jáne úıge jetkizýdi uıymdastyrýy kerek.

Karantın tártibi osylaısha qatańdaǵan kezde eriktiler zeınetkerler men múmkindigi shekteýli jandarǵa kómek kórsetý jumystaryn jandandyratyn bolady. Maskalyq rejimniń, sanıtarııalyq-dezınfeksııalyq talaptardyń saqtalýyn baqylaý kúsheıedi.

Brıfıng barysynda oblystaǵy bas sanıtarlyq dárigerdiń mindetin atqarýshy oıyn-saýyq, sporttyq, otbasylyq, estelik, saltanatty jáne basqa da buqaralyq is-sharalardy ótkizýge tyıym salynǵanyn taǵy bir márte eskertti. Al karaoke, bılıard, kompıýterlik klýbtar, túngi klýbtar, boýlıng ortalyqtary sııaqty oıyn-saýyq mekemeleriniń, sonymen qatar jabyq úı-jaılardaǵy balalar oıyn alańdary men attraksıondarynyń, batýttardyń, jabyq ǵımarattaǵy kınoteatrlardyń, býkmekerlik keńselerdiń jumys isteýine  áli de ruqsat etilmegen.

– Vırýs áli de qaýipti. Úıden qajet bolmaǵan jaǵdaıda shyqpańyzdar, kópshilik jınalatyn jerden aýlaq bolyńyzdar, áleýmettik qashyqtyq pen maska rejimin saqtańyzdar, dedi Iýrıı Zalygın.

Al Qaraǵandy oblystyq densaýlyq saqtaý basqarmasynyń basshysy Erjan Nurlybaev koronavırýstyń bolýy múmkin ekinshi tolqynyna degen óńirdegi daıarlyqtyń qalaı órbip jatqanynan málimet berdi.

– Oblysta koronavırýs ınfeksııasynyń jańa tolqynyna qarsy kúres daıarlyǵy keń aýqymda júrgizilýde. Mysaly Jezqazǵan qalasynda 200 tósektik jańa juqpaly aýrýlar aýrýhanasy naýqastardy qabyldaýǵa daıyndalýda. Ol modýldik tásilmen salynǵan jáne zamanaýı medısınalyq jabdyqtarmen qamtamasyz etilgen. Qarasha aıyna qaraı Abaı, Balqash, Temirtaý jáne Shahtınsk qalalarynda juqpaly aýrýlar aýrýhanalaryn qaıta qurý jáne jóndeý aıaqtalady, dep málimdedi oblystyń bas dárigeri.

Búgingi kúnde óńirdegi aýrýhanalardy zamanaýı medısınalyq tehnıkamen jabdyqtaý jalǵasýda. Atap aıtqanda, 223 О́JJ apparaty, 2400 ottegi konsentratory, 2600 pýlsoksımetr, 40 sıfrlyq rentgen apparaty satyp alynǵan.

Sondaı-aq, medısınalyq gazdardy berýdiń ortalyqtandyrylǵan júıeleri ornatylady. Mobıldi brıgadalar qosymsha kóliktermen jabdyqtalǵan. Kompıýterlik tomograftar parki kúsheıtilýde. PTR-zerthanalar jelisi keńeıýde, olardyń qýaty táýligine 10 000 testke deıin ósetin kórinedi.

Erjan Nurlybaev egde adamdar toby úshin vırýstyq ınfeksııanyń maýsymdyq kóterilýi kezeńinde emhanaǵa barýdyń qajeti bolmaıtyndaı jaǵdaı jasaýdyń amaldary qarastyrylatynyn aıtty.

 – Qart adamdarǵa medısınalyq qyzmetterdiń kópshiligi úıde kórsetiletin bolady. Dıspanserlik esepte turǵan barlyq pasıentter qańtardy qosqandaǵy aldaǵy úsh aıǵa qajetti dári-dármek qoryn alady, dep sendirdi Erjan Nurlybaev.

Sonymen birge, oblystyń bas dárigeri tumaý men pnevmokokk ınfeksııasyna qarsy vaksınasııa naýqany aıasynda 200 myńǵa jýyq adamnyń tegin ekpe alatynyn jetkizdi.

Brıfıngtiń sońynda Erjan Nurlybaev pen  Iýrıı Zalygın óńir turǵyndaryn sanıtarlyq talaptardy qatań saqtaýǵa shaqyrdy.

Sońǵy jańalyqtar

Namysyn tý etken

Rýhanııat • Búgin, 20:00

"Qazfosfat" ónim eksportyn ulǵaıtýda

Ekonomıka • Búgin, 18:37

29 qazanda Senat otyrysy ótedi

Parlament • Búgin, 17:57

Qyzylordada sala úzdikteri marapattaldy

Aımaqtar • Búgin, 17:41

Qyzylordada ınternet alaıaq ustaldy

Qoǵam • Búgin, 17:15

Hosep Bartomeý otstavkaǵa ketti

Sport • Búgin, 17:07

Elordaǵa qarjy quıýǵa nıetti

Elorda • Búgin, 16:50

Shymbulaqqa aparar jol ońtaılandyryldy

Ekologııa • Búgin, 15:55

Qostanaıda elik atqan brakonerler ustaldy

Aımaqtar • Búgin, 15:05

29-31 qazan kúnderi kún jylynady

Aýa raıy • Búgin, 12:40

Shymkentte "Qazyǵurt" mádenıet úıi qaıta jandanady

Ońtústik Qazaqstan • Búgin, 12:30

Prezıdent Ahmetjan Esimovti qabyldady

Prezıdent • Búgin, 12:01

Jańa Almaty qalaı abattandyrylýda?

Aımaqtar • Búgin, 11:35

Ulytaýda uıadaı qonaq úı ashyldy

Aımaqtar • Búgin, 11:15

Atyraýda stýdentter jataqhanasy órtendi

Aımaqtar • Búgin, 11:05

Uqsas jańalyqtar