"Tótenshe jaǵdaılardyń aldyn alý jáne joıý memlekettik júıesi qalyptasýynyń 25 jyldyǵy qarsańynda jańa órt sóndirý deposyn qabyldap otyrmyz. Osy jyl elimiz úshin ekonomıkalyq ahýalǵa, pandemııaǵa baılanysty aýyr bolyp tur. Degenmen, bizdiń ujym jergilikti atqarýshy organdarmen birlesken is-qımyldardyń arqasynda tótenshe jaǵdaılardyń aldyn alý jáne joıýda ádil ári laıyqty qyzmet atqaratyn bolady. Memlekettiń, jergilikti atqarýshy organdardyń qoldaýynyń arqasynda jyldan jylǵa órt sóndirý qyzmetiniń jaraqtandyrylýy jaqsaryp, jańa bólimder ashylyp jatyr. Azamattarymyzdyń ómiri men densaýlyǵy bizge baılanysty. Sondyqtan ádil ári qutqarýshy degen mártebeli ataqqa laıyq bolyńyzdar", dedi saltanatty sharada sóz sóılegen QR Tótenshe jaǵdaılar mınıstri Iýrıı Ilın.
Al Altaı Kólginov ákimdik órtke qarsy qyzmet nysandarynyń qurylysyna jáne azamattyq qorǵaý organdary úshin apattyu-qutqarý tehnıkasyn satyp alýǵa kómek kórsetilip jatqanyn atap ótti.
"Merekelerińizdiń qarsańynda halyqqa qyzmet etetin, órt qaýipsizdigin saqtap, azamattardyń uıqysy tynysh, ómiri qaýipsiz bolý úshin qyzmet etetin órt sóndirý deposy paıdalanýǵa berilip otyr. Nur-Sultan qalasy kúnnen kúnge ósip keledi. Elbasymyzdyń kezindegi tarıhı sheshiminiń arqasynda elordamyz álemge tanymal úlken qalaǵa aınaldy. Qala ósken saıyn halyq sany kóbeıedi. Sondyqtan olardyń qaýipsizdigin qamtamasyz etý kerek. Osy oraıda qutqarýshylar - sizder azamattar uıyqtap jatqanda nemese mereke kezderinde aıanbaı eńbek etesizder. Sizderge túser salmaq úlken. Ony abyroımen atqaryp kelesizder. Sol úshin ákimdik atynan rızashylyǵymdy bildiremin", dedi elorda ákimi.
Sondaı-aq shara barysynda Iýrıı Ilın men Altaı Kólginov elordalyq jedel den qoıý jáne tótenshe jaǵdaılarda shuǵyl medısınalyq kómek kórsetý úshin garnızonǵa órt tehnıkasy men reanımobılderdiń kiltin saltanatty túrde tabys etti. Sonymen qatar, qyzmetkerlerge jańa órt sóndirý deposynyń jobasy aıasynda júzege asyrylǵan qyzmettik turǵyn úıdiń kiltteri berildi. Joǵary kórsetkishteri men kásipqoılyǵy úshin kózge túsken qyzmetkerler vedomstvolyq nagradalarmen marapattaldy. Munan bólek, mınıstr men ákim arasyndaǵy Nur-Sultan qalasynyń qaýipsizdigin qamtamasyz etý boıynsha ózara yntymaqtastyq týraly memorandýmǵa qol qoıyldy. Jańa tórt qabatty órt sóndirý deposynyń ǵımaraty Nur-Sultan qalasynyń Alash aýdanynda salyndy. О́rt sóndirý bóliminiń jalpy aýdany - 4 myń sharshy metr, 6 mashına orny bar.
Deponyń sońǵy qabattarynda elordalyq garnızon qyzmetkerleri úshin jataqhana qarastyrylǵan, onda 27 turǵyn bólme men jaıly páterler ornalasqan. О́rt sóndirý deposy Baıqońyr aýdanynyń aýmaǵyna qyzmet kórsetedi. О́rt sóndirý deposynyń qyzmet kórsetý aımaǵyna tirshilikti qamtamasyz etý, saýda nysandary, ónerkásiptik bazalar men qoımalar, saıajaı alaptary kiredi.Sonymen qatar, Aqmola garnızonymen ózara is-qımyl josparyna sáıkes TJ-ny joıý kezinde kómek retinde bul bólim Qoıandy, Sofıevka turǵyn úı alaptaryna barady.
