Jýyrda toı máselesine baılanysty Taraz qalasynyń ákimi Aıtqazy Qarabalaev málimdeme jasady. Ákim monıtorıngtik top júrgizgen reıd barysynda kez-kelgen meıramhanada ótip jatqan toıda memlekettik qyzmetshilerdiń bar ekeni anyqtalsa, olarǵa tıisti shara qoldanatynyn aıtty. Ol tipti qalalyq ákimdikte jumys isteıtin qyzmetker bolsa, jumystan bosatylýy yqtımal ekenin eskertti.
"Qazir úlken toıhanalarda toı jasap jatqan qarapaıym halyq emes. Ony jasap jatqan laýazymdy, memlekettik qyzmette júrgen azamattar. Toı ótip jatqan meıramhananyń egesi, bolmasa sol toıǵa shaqyrylǵandardyń ishinde bizdiń mekemeniń qyzmetkerleri bolǵan jaǵdaıda biz óz tarapymyzdan tıisti oryndarǵa shara qoldanýǵa usynys beretin bolamyz. Osyny eskerse deımin. О́ıtkeni aýyldan, basqa jaqtan toıǵa eshkim de kelip jatqan joq. Onyń bári osy Taraz qalasyndaǵy laýazymdy azamattar. Toı ótip jatqan "Baq saraıy", "Sátti", "Taraz holl" sııaqty meıramhanalar qarapaıym halyqtyń qaltasy kóteretin jer emes. Sondyqtan da bárimiz júkti jumyla kótermesek, jumys júrmeıdi", deıdi Aıtqazy Qarabalaev.
Sondaı-aq, qandaı memlekettik mekemede bolsyn qyzmet isteıtin sheneýnikterdiń toıǵa barǵany anyqtalyp jatsa, olardyń basshylaryna atalǵan qyzmetkerge shara qoldaný úshin usynys hat joldanatyn boldy.
Jambyl oblysy
