Keshe Elordada «Birlik» saıası partııasynyń uıymdastyrýymen mádenıet, ádebıet álemindegi úzdik shyqqan jas qalamgerler men dramatýrgterdi qoldaý maqsatynda «Táýelsizdik tanytqan talanttar» atty jas talanttardyń respýblıkalyq festıvali ótti.
Keshe Elordada «Birlik» saıası partııasynyń uıymdastyrýymen mádenıet, ádebıet álemindegi úzdik shyqqan jas qalamgerler men dramatýrgterdi qoldaý maqsatynda «Táýelsizdik tanytqan talanttar» atty jas talanttardyń respýblıkalyq festıvali ótti.
Sharany qysqasha sóz sóılep ashqan «Birlik» saıası partııasynyń tóraǵasy Serik Sultanǵalı bylaı dedi: «Búgingi festıvalimizdiń jeńimpazdarynyń shyǵarmashylyq jáne kásibı jetistikterine qarap otyrsańyzdar halyqtyń altyn qazynasy ispetti. О́skeleń urpaqqa úlgi etýge turarlyq jastardyń talanty qandaı da bolsyn qurmetke laıyq. Jastardyń shyǵarmashylyq, kásibı bastamalaryn qoldaý – «Birlik» saıası partııasynyń basym baǵyttarynyń biri. Jas qazaqstandyqtardyń tabysty eńbek etip, jaqsy bilim alýyna áleýmettik kepildikter qarastyrylýy kerek».
«Ádebıet», «Sýret óneri», «Dástúrli óner», «Dástúrli qazaq ánderin oryndaýshy», «Erekshe daryn ıesi», «Qoldanbaly óner sheberi», «Mamandyǵym – maqtanyshym» dep atalatyn jeti nomınasııa boıynsha synǵa túsip, jeńiske jetken jıyrmadan astam jas daryn «Birlik» partııasynyń arnaıy júldesimen jáne baǵaly syılyqtarmen marapattaldy.
Festıval sońynda partııa tóraǵasy S.Sultanǵalı elimizdiń atalmysh sharanyń áli de jalǵasa beretindigin aıtty.
«Egemen-aqparat».
