Bıýroda kezekti Senat otyrysynyń kún tártibi anyqtaldy. Soǵan sáıkes 22 qazan kúni senatorlar "Qazaqstan Respýblıkasynyń keıbir zańnamalyq aktilerine mádenıet máseleleri boıynsha ózgerister men tolyqtyrýlar engizý týraly" zań jobasyn qaraıdy. Sondaı-aq, Palata otyrysynda depýtattar "Qazaqstan Respýblıkasynyń keıbir zańnamalyq aktilerine qaldyqtardy energetıkalyq kádege jaratý, sý qorǵaý beldeýleri jáne júkterdi temirjol kóligimen tasymaldaý máseleleri boıynsha ózgerister men tolyqtyrýlar engizý týraly" zań jobasyn da qaraıtyn boldy.
Sonymen qatar Bıýro otyrysynda Májilisten kelip túsken zań jobasy komıtetterge bólinip berildi. Sonyń nátıjesinde Konstıtýsııalyq zańnama, sot júıesi jáne quqyq qorǵaý organdary komıteti "1994 jylǵy 9 qyrkúıektegi Eýrazııalyq patent konvensııasyna ónerkásiptik úlgilerdi qorǵaý týraly hattamany ratıfıkasııalaý týraly" zań jobasy boıynsha bas komıtet bolyp belgilendi.
Otyrys barysynda Senat Tóraǵasy Máýlen Áshimbaev 23 qazan kúni ótetin Parlamenttik tyńdaýǵa nazar aýdardy. Tyńdaý kezinde qatysýshylar aýyldyq aýmaqtardy áleýmettik-ekonomıkalyq damytý máselelerin jáne olardyń perspektıvalaryn talqylaıdy.
