Keshe Qasym-Jomart Toqaevtyń tóraǵalyq etýimen Parlament Senatynyń otyrysy boldy. Kún tártibine sáıkes depýtattar Qazaqstan Respýblıkasynyń zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly zań jobasyn birinshi oqylymda qarady.
Keshe Qasym-Jomart Toqaevtyń tóraǵalyq etýimen Parlament Senatynyń otyrysy boldy. Kún tártibine sáıkes depýtattar Qazaqstan Respýblıkasynyń zańnamalyq aktilerine bıýdjet zańnamasyn jetildirý máseleleri boıynsha ózgerister men tolyqtyrýlar engizý týraly zań jobasyn birinshi oqylymda qarady.
Zań jobasy Jańa bıýdjet saıasatynyń tujyrymdamasy men túpki nátıjelerge baǵdarlanǵan Memlekettik josparlaý júıesin jetildirý tujyrymdamasyn iske asyrý maqsatynda ázirlendi.
Bul jobamen elimizdiń Bıýdjet kodeksi men «Konsessııalar týraly» jáne «Qazaqstan Respýblıkasyndaǵy jergilikti memlekettik basqarý jáne ózin ózi basqarý týraly» zańdarǵa ózgerister engizý kózdeledi. Bıýdjettik baǵdarlamalar ákimshileri shyǵystarynyń lımıtteri engiziledi.
Memlekettik organdardyń strategııalyq josparlarynyń mazmuny, olardy ázirleý tártibi qaıta qaralyp, oǵan qosa strategııalyq jospardy jergilikti deńgeıde ázirleýdi toqtatý qarastyrylatyn bolady.
Negizsiz josparlaý jáne bıýdjet qarjylaryn paıdalaný barysyndaǵy nátıjeler kórsetkishterine qol jetkize almaǵany, sondaı-aq kvazımemlekettik sektor sýbektileriniń bıýdjet ınvestısııalarynyń nátıjelerine qol jetkize almaǵany úshin bıýdjet ákimshileriniń jaýapkershiligi kúsheıe túsedi.
Otyrysta sondaı-aq, zańnamalyq aktilerge salyq salý máseleleri boıynsha ózgerister men tolyqtyrýlar engizý týraly zań jobasy birinshi oqylymda qaraldy.
Zań jobasymen berilgennen keıin belgili bir kezeń ishinde ıgerilmeıtin jerlerge arttyrylǵan salyq mólsherlemelerin engizýdi oryndaýǵa arnalǵan erejeler kózdelip otyr.
Odan basqa, Jańa bıýdjet saıasatynyń tujyrymdamasyn iske asyrý maqsatynda zań jobasynda jeke tulǵalardyń múlkine, kólik quraldaryna salyqtardy jáne aksızder mólsherlemelerin arttyrý jónindegi normalar qamtylǵan. Sonymen qatar, zań jobasynda salyqtyq ákimshilik etý máselelerin jetildirýge baǵyttalǵan normalar da bar.
Zań jobalary boıynsha Ekonomıka jáne bıýdjettik josparlaý mınıstri Erbolat Dosaev, sondaı-aq, Indýstrııa jáne jańa tehnologııalar jáne Qarjy mınıstrlikteriniń ókilderi tıisti túsinikteme berdi.
Senat otyrysynda senator Aqan Bıjanov depýtattyq saýalyn jarııa etti, dep habarlady Parlament Senatynyń baspasóz qyzmeti.
