О́ńirlik kommýnıkasııalar qyzmeti alańynda ótken onlaın brıfıng barysynda Almaty qalasy bilim berý sapasyn qamtamasyz etý departamentiniń basshysy Gúlnar Ermekbaeva osy jyldyń 1 qazanyndaǵy jaǵdaı boıynsha Almaty qalasynyń aýmaǵynda tehnıkalyq jáne kásiptik bilim berý baǵdarlamalary boıynsha bilim berý qyzmetine lısenzııasy bar 104 bilim berý uıymy tirkelgenin habarlady. Onyń ishinde 35-i memlekettik kolledj, 61-i jekemenshik kolledj.
Almaty qalasynyń tehnıkalyq jáne kásiptik bilim berý uıymdaryndaǵy bar mamandyqtar men biliktilikter boıynsha Qazaqstan Respýblıkasy Bilim jáne ǵylym mınıstriniń 2018 jylǵy 27 qyrkúıektegi buıryǵymen bekitilgen 104 kolledjde tehnıkalyq jáne kásiptik, orta bilimnen keıingi bilimniń mamandyqtary men biliktilikteriniń 15 baǵyty boıynsha ruqsattary bar.
Spıker kolledjderdi beıindeýdiń mańyzdylyǵyna jeke toqtaldy.
"Tehnıkalyq jáne kásiptik bilim berýdiń mamandanýy salalyq baǵyttar: tehnıkalyq, tehnologııalyq, aýyl sharýashylyǵy, qurylys jáne kommýnaldyq sharýashylyq jáne t.b. boıynsha neǵurlym naqtylanatyn bolsa, bul óńirdiń oqý oryndarynda mamandyqtardyń qaıtalanýyn boldyrmaıdy. Tehnıkalyq jáne kásiptik bilimi bar mamandardy daıarlaýǵa memlekettik tapsyrysty bólý kezinde memlekettik tapsyrysty ornalastyrý jónindegi komıssııa músheleri birinshi kezekte kolledjderdi beıindeýge basa nazar aýdarýy tıis", - dep atap ótti spıker.
Tehnıkalyq jáne kásiptik bilim berý uıymdarynyń bilim berý qyzmetine qoıylatyn talaptardy arttyrý maqsatynda QR Bilim jáne ǵylym mınıstrligi aǵymdaǵy jyldyń shilde aıynda "Bilim berý qyzmetine qoıylatyn biliktilik talaptaryn jáne olarǵa sáıkestikti rastaıtyn qujattardyń tizbesin bekitý týraly" Qazaqstan Respýblıkasy Bilim jáne ǵylym mınıstriniń 2015 jylǵy 17 maýsymdaǵy №391 buıryǵyna ózgerister engizildi.
Atap aıtqanda, tehnıkalyq jáne kásiptik bilim berý uıymdarynyń bilim berý qyzmetine qoıylatyn talaptarǵa, mindetti sharttaryna tómendegi tarmaqtar qosyldy: kolledjderdiń sońǵy 2 jylda mamandyǵy boıynsha bilim alýshylardy úzdiksiz qabyldaýdy júzege asyrýy; mamandyq boıynsha bilim berý uıymdary túlekteriniń jumysqa ornalasýy jáne jumyspen qamtylýy týraly málimetter, bul rette mamandyq boıynsha bitirýshilerdiń jalpy sanynan jumysqa ornalasqandardyń jáne jumyspen qamtylǵandardyń úlesi 75%-dan kem bolmaýy. "Atalǵan talaptar kolledjder úshin mamandardy beıindeý jáne daıarlaý turǵysynan sheshim qabyldaýǵa jaqsy yntalandyrý bolady dep úmittenemiz. Búgingi tańda qalanyń 5 kolledji 20 biliktilik boıynsha lısenzııaǵa qosymshany qaıtaryp berdi jáne osy másele boıynsha jumysty bizdiń Departament únemi júrgizedi", - dep atap G.Ermekbaeva.
ALMATY
