19 qazan kúni tańerteń áıel Sharm-el-Sheıhten PTR testinen ótpeı ushyp kelgen. Áýejaıda birden qalanyń karantındik stasıonaryna jetkizildi, onda oǵan qajetti zerthanalyq taldaýlar jasaldy. Taldaý nátıjeleri boıynsha pasıentte COVID-19 anyqtaldy.
Ádette, koronavırýs ınfeksııasynyń barlyq sımptomsyz tasymaldaýshylaryn úıde medısına mamandary baqylaıdy.
Alaıda, naýqas oblys turǵyny bolyp tabylǵandyqtan jáne ony jedel úı karantınine oqshaýlaý múmkin emestigi eskerilip, ol elordadaǵy ınfeksııalyq stasıonarǵa jatqyzyldy.
"Naýqas aýrýhanada tolyq tekserýden ótip, 5 kúnge deıin bolady. Eger klınıkalyq kórinister paıda bola bastasa, onda oǵan hattamaǵa sáıkes tıisti emdeý taǵaıyndalady", - deıdi aýrýhananyń juqpaly aýrýlar dárigeri.
Búgingi kúni qalalyq juqpaly aýrýlar stasıonarynda KVI juqtyrǵan 29 pasıent bar.
Esterińizge sala keteıik, buǵan deıin karantındik stasıonarda PTR testinen ótpegen 2 avıajolaýshydan sımptomsyz vırýs anyqtalǵan. Elordalyq dárigerlerdiń jedel áreketteri arqasynda halyq arasynda indet meılinshe az taraýda.
Bıyl 19 qazanda 7 halyqaralyq reıs qabyldandy (BAÁ-den 2, Túrkııadan 2, Belorýssııadan 1, Germanııadan 1, Egıpetten 1). Kelgen 769 jolaýshydan COVID-19 testinen ótkendigi týraly anyqtama 171 Qazaqstan azamatynda bolǵan joq. Olardyń barlyǵy karantındik stasıonarǵa jetkizildi.
