Qoǵam • 19 Qazan, 2020

Mobıldi toptar demalys kúnderi karantın rejımin buzǵan 30-dan astam faktini anyqtady

170 ret

kórsetildi

1 mın

oqý úshin

Elordanyń birqatar turǵyndary qazirgi tyıymǵa qaramastan, karantın rejıminiń shekteý sharalaryn elemeı, otbasylyq merekelerdi uıymdastyryp, qala turǵyndaryna qaýip tóndirýde. Quramynda taýarlar men qyzmetter sapasyn men qaýipsizdigin baqylaý departamenti, ákimdik pen Nur-Sultan qalalyq polısııa departamentiniń ókilderi bar mobıldi top karantındi buzýshylardy anyqtaı otyryp, kúndelikti reıdter ótkizýde, dep habarlaıdy Egemen.kz qala ákimdiginiń baspasóz qyzmetine silteme jasap.

Marjan TILEÝBEK

Mobıldi toptar demalys kúnderi karantın rejımin buzǵan 30-dan astam faktini anyqtady

Osylaısha 18 qazanda saǵat 17.10-da polısııa qyzmetkerlerine qala turǵyndarynyń biri "QUMAN" meıramhanasynda uıymdastyrǵan 50 jyldyqty toqtatýǵa týra keldi. Týǵan kún ıesi jeke merekesine 60-tan astam qonaq shaqyrǵan. Shara barysynda ınspektorlar zalǵa kirip, otbasylyq mereke toqtatylady.

"Meıramhana qojaıyny men is-sharany uıymdastyrýshy tyıym salynǵanyna qaramastan, adamdardyń densaýlyǵyna qaýip tóndirdi. Meıramhana ıesine jáne is-sharany uıymdastyrýshyǵa qatysty jınalǵan materıal QR ÁQBtK 425 baby boıynsha ákimshilik jaýapkershilikke tartý úshin taýarlar men qyzmetter sapasy men qaýipsizdigin baqylaý basqarmasyna jiberildi", - delingen polısııa departamentiniń taratqan habarlamasynda.

Mobıldi top bir táýlik ishinde 130-dan astam kásipkerlik nysanyn tekserip, karantındi buzýdyń 36 faktin anyqtady.

Mamandar zań buzýshylar qoldanystaǵy zańnamaǵa sáıkes jaýap beretindigin eskertedi.