Qaıyrymdylyq aksııasy aıasynda Almaty qalasyndaǵy kómekke muqtaj otbasylarǵa kómek qolyn sozdy. Olar kópbalaly jáne az qamtylǵan otbasylarǵa azyq-túlik, dári-dármek pen kıim-keshek jetkizip berdi.
- «Biz birgemiz» aksııasy aıasynda kýrsanttarymyz áleýmettik jaǵdaıy nashar otbasylarǵa qol ushyn sozyp, qaıyrymdylyq kórsetti. Áskerı qyzmetshiler osylaısha naqty ispen kópke úlgi kórsetti, - dedi áskerı oqý ornynyń bastyǵy general-maıor Asqar Mustabekov.
Áskerı ınstıtýt kýrsanttarynyń turaqty túrde qaıyrymdylyq kómek kórsetýleri myzǵymas dástúrge aınalǵan. Olar barlyq adamdardy aınalasyna jaqsylyq jasap, volonterlikpen aınalysýǵa úndeıdi jáne izgilikpen aınalysý áleýmettik jaýapkershilik jáne azamattyq boryshymyz dep biledi.
Radıoelektronıka jáne baılanys áskerı-ınjenerlik ınstıtýty qaıyrymdylyq jobalaryna turaqty túrde qatysady. Kópbalaly, az qamtylǵan, aýyr syrqaty bar otbasylardan bólek balalar jáne qarttar úıiniń tárbıelenshilerine aıanbaı kómek kórsetip keledi.
