Q.Sátbaev atyndaǵy Qazaq ulttyq tehnıkalyq ýnıversıtetinde «Shevron» kompanııasynyń 2013-2014 oqý jyly boıynsha osy ýnıversıtettegi tehnıkalyq mamandyqtaryna arnalǵan Stıpendııalyq baǵdarlamasynyń jeńimpazdaryn saltanatty túrde marappataý rásimi bolyp ótti.
Q.Sátbaev atyndaǵy Qazaq ulttyq tehnıkalyq ýnıversıtetinde «Shevron» kompanııasynyń 2013-2014 oqý jyly boıynsha osy ýnıversıtettegi tehnıkalyq mamandyqtaryna arnalǵan Stıpendııalyq baǵdarlamasynyń jeńimpazdaryn saltanatty túrde marappataý rásimi bolyp ótti.
Onda QazUTÝ-dyń Halyqaralyq baılanys jáne oqý-ádistemelik jumys prorektory Sársenbek Júsipbekov «Shevron» kompanııasyna óz rızashylyǵyn bildire otyryp, búgingi shákirtaqy ıegerlerin quttyqtap, olardyń bolashaǵyna tabys pen jetistikter tiledi.
Rásim barysynda «Shevron» kompanııasy Eýrazııa bólimshesi Basqarýshy dırektorynyń orynbasary Imır Bonner «Shevronnyń» ýnıversıtettermen seriktestik qurý baǵdarlamasynyń Qazaqstandaǵy júzege asýy jáne kompanııanyń osy eldegi qyzmeti týraly jınalǵandarǵa keńinen áńgimeledi. Sonyń ishinde QazUTÝ-dyń 2007 jyldan beri «Shevron» kompanııasymen yntymaqtastyq ornatyp kele jatqandyǵyn aıtyp ótti. Bıyl bul kompanııa ýnıversıtettegi eń úzdik 92 stýdentti tańdap, olarǵa 31 tolyq jáne 61 jartylaı shákirtaqy taǵaıyndaǵan eken.
Jas «Mamandar men bolashaq ınjenerlerdiń áleýetin tolyqqandy júzege asyrýlaryna jaǵdaı jasaýǵa bizdiń kompanııamyzdyń bilim berý baǵdarlamalarynda erekshe mán berilgen», – dep atap ótti Imır Bonner óz sózinde.
Kompanııa álemniń túrli elderindegi eń úzdik oqý oryndarymen, sonyń ishinde AQSh-tyń jetekshi tehnıkalyq ýnıversıtetterimen tyǵyz jumys isteıdi. Baǵdarlama aıasynda «Shevron» ýnıversıtetterge jańa oqý baǵdarlamalaryn engizýge, materıaldyq-tehnıkalyq bazany jaqsartýǵa kómektesedi. Sondaı-aq, úzdik stýdentterge granttar men stıpendııalar bóledi. Máselen, sońǵy jeti jyldyń ishinde QazUTÝ-dyń eń úzdik degen 358 stýdentine shákirtaqy berilipti.
«Egemen-aqparat».
