Qoǵam • 19 Qazan, 2020

Qaýipti betperde týraly aqparat jalǵan bolyp shyqty

620 ret

kórsetildi

1 mın

oqý úshin

Jýyrda bireý halyqty shoshytyp, áleýmettik jelilerge bireýlerdiń esten tandyratyn esirtkige malynǵan maskalar taratatynyn, ony úı-ishindegi jandardyń bárine tegin beretinin, al betperdeni kıgen adam esinen tanyp qalatynyn, sol kezde sýyq qoldylar úılerdi tonap ketetinin jazǵan bolatyn. Árıne, aqyl-esi bútin adamdar mundaı betperdelerdiń bolmaıtynyn birden sezgen. О́ıtkeni, esirtki zattarynyń ózi qymbat, ony eshkim úı tonaımyn dep tegin taratpaıdy. Biraq kóptegen adamdar mundaıǵa eleńdep, úreılenip te qalady.

Jaqsybaı SAMRAT

Qaýipti betperde týraly aqparat jalǵan bolyp shyqty

SQO PD Esirtki qylmysyna qarsy is-qımyl basqarmasy bul aqparattyń jalǵan ekendigin aıtty. Mundaı betperdeniń taralý faktileri jáne aqparatta sıpattalǵan basqa jaǵdaılar tirkelmegen.

"Jalǵan aqparat taratqany úshin zańnamada Qazaqstan Respýblıkasy Qylmystyq kodeksiniń 274-baby boıynsha qylmystyq jaýapkershilik qarastyrylǵanyn eske salamyz. Aıta ketý kerek, qazir adamdar kóbinese jalǵan aqparatty shynaıy jańalyqtardan ajyrata biledi, biraq soǵan qaramastan, mundaı jalǵan aqparat halyq arasynda dúrbeleń týǵyzýy múmkin", - deıdi Soltústik Qazaqstan oblysy Polısııa departamenti bastyǵynyń orynbasary, polısııa polkovnıgi Rýslan Nazarov.

Soltústik Qazaqstan oblysy