Парламент • 20 Қазан, 2020

Сенаторлар қорғаныс өнеркәсібінің өзекті мәселелерін зерделеді

8 рет көрсетілді

Депутаттар елордада орналасқан қорғаныс өнеркәсібінің кәсіпорындарында болды, деп хабарлайды Egemen.kz Парламент Сенатының баспасөз қызметіне сілтеме жасап.

Оларға жаңа әскери тікұшақ таныстырылды және әскери техниканы шынайы басқаруға ұқсайтын ұшқыштарды даярлауға арналған арнайы жаттығу жабдығы бар оқу орталығы көрсетілді. Сенаторлар Орталық Азиядағы еуропалық әскери тікұшақтарды құрастыратын жалғыз зауыт алаңында сала проблемаларын талқылады.

"Өнеркәсіптің бұл саласы, оның дамуы кезінде мемлекеттің қорғаныс қабілетін қамтамасыз етудің стратегиялық факторы ғана емес, сонымен қатар өнеркәсіптің басқа салалары сияқты бюджетті толықтыра отырып әрі тұрақты жұмыс орындарын қамтамасыз етіп ел экономикасына елеулі үлес қосуы тиіс", деді сенатор Мұхтар Құл-Мұхаммед.

Сенат депутаттарының айтуынша өткен жылы қабылданған "Қорғаныс өнеркәсібі және мемлекеттік қорғаныстық тапсырыс туралы" заңның отандық өнеркәсіпті одан әрі дамытуға әлеуеті жеткілікті. Парламентшілер кемшіліктердің жөнделуі үшін қорғаныс кәсіпорындарында болып жүр, онда жағдайды жақсарту және қазақстандық зауыттарды қолдау мен дамытудың жаңа тетіктерін енгізу жөнінде сала мамандарымен консультациялар өтуде.

"Қорғаныс өнеркәсібі және мемлекеттік қорғаныстық тапсырыс туралы" заңды іске асыру барысында заң шығару жоспарының проблемалары анықталғанын атап өтті. Осыған орай, депутаттар осы саладағы мәселелерді жақсарту және шешу бойынша кәсіпорындардың ұсыныстарына құлақ қойды.

Сенаторлар нарықта сұранысқа ие әскери өнімдер өндірісін дамыту қажеттігін атап өтті.

Соңғы жаңалықтар

Бір аптада 221 қылмыс

Аймақтар • Бүгін, 20:30

Ауылда амбулатория ашылды

Аймақтар • Бүгін, 19:11

Шымкентте Сүгір Әліұлының ескерткіші ашылды

Оңтүстік Қазақстан • Бүгін, 14:25

Ұқсас жаңалықтар