Statıstıka komıteti qyzmetkerlerdiń jalaqysy boıynsha zertteýin jarııalady

Qazaqstan Respýblıkasynda osy zertteý jylyna bir ret júrgiziledi. Zertteýmen 2020 jyldyń maýsym aıynda tolyq jumys istegen qyzmetkerler qamtyldy. Zertteýge barlyq iri kásiporyndar jáne keıinnen bas jıyntyqqa taratyla otyryp, ishinara 30% orta jáne shaǵyn kásiporyndar iriktelip qatysty. Zertteýde barlyq qosymsha aqylardy, ústemeaqylardy, syılyqaqylardy, salyqtar men zeınetaqy aýdarymdaryn eskere otyryp, 2020 jylǵy maýsym aıy úshin naqty eseptelgen jalaqy týraly derekter paıdalanyldy. Qyzmetkerlerdi jumysshylardyń negizgi kásipteri men qyzmetshilerdiń laýazymdary boıynsha bólý Qazaqstan Respýblıkasy Investısııalar jáne damý mınıstrligi Tehnıkalyq retteý jáne metrologııa komıtetiniń 2017 jylǵy 11 mamyrdaǵy № 130-od buıryǵymen bekitilgen jáne qoldanysqa engizilgen Kazaqstan Respýblıkasynyń Ulttyq kásipter synyptaýyshyna (budan ári - UKS) sáıkes júzege asyryldy.

Zertteý qorytyndysy boıynsha kásiporyndar men uıymdardyń kórsetilgen toby boıynsha 2020 jylǵy maýsymda tolyq jumys istegen qyzmetkerler sany 2713,6 myń adamdy qurady, onyń ishinde erler (1246,6 myń adamdy) 45,9%, áıelder (1467 myń adamdy) 54,1% qurady.

Qyzmetkerlerdiń jalpy sanynan ortasha aılyq jalaqyny 45 000 teńgege deıin - 1,8% qyzmetkerler, 45 000 teńgeden 105 000 teńgege deıin – 30,8%, 105 000 teńgeden 210 000 teńgege deıin - 39,2%, 210 000 teńgeden 300 000 teńgege deıin – 14,2%, 300 000 teńgeden 420 000 teńgege deıin – 7,2%, 420 000 teńgeden do 600 000 teńgege deıin – 3,6%, 600 000 teńgeden 750 000 teńgege deıin – 1,2%, 750 000 teńgeden 900 000 teńgege deıin – 0,6%, 900 000 teńgeden joǵary – 1,4% qyzmetkerler aldy.

Ekonomıkalyq qyzmetter bólinisinde 75000-ǵa deıingi jalaqysy men qyzmetkerlerdiń eń kóp úlesi «Bilim berý» (49,6%) ekonomıkalyq qyzmet túrinde belgilengen, 450 000 teńgeden joǵary jalaqymen – taý-ken ónerkásibi (21,6%) salasynda belgilengen.

Qyzmetkerlerdiń ortasha aılyq jalaqysynyń medıandyq máni 142 291 teńgeni qurady. Qyzmetkerlerdiń ortasha aılyq jalaqysynyń modaldik máni 169 792 teńgeni qurady. Ortasha aılyq jalaqynyń dıfferensıasııasynyń desıldik koeffısıenti 5,8 qurady.

Qazaqstan Respýblıkasy boıynsha negizgi kásipter men laýazymdardyń toptary boıynsha qyzmetkerlerdiń jalaqysy

teńge

Qazaqstan Respýblıkasy boıynsha jumyskerlerdiń eseptelgen jalaqy mólsheri boıynsha qurylymy

paıyzben

Ortasha bilimimen qyzmetkerlerdiń ortasha aılyq jalaqysy 133 268 teńgeni, joǵary bilimmen – 247 015 teńgeni jáne joǵary oqý ornynan keıingi bilimmen – 472 654 teńgeni qurady.Qyzmetkerlerdiń jasyna qaraı bólinisinde 16 jastan 24 jasqa deıingi ortasha aılyq jalaqysy 134 843 teńgeni, 25 jastan 28 jasqa deıin 168 508 teńgeni, 29 jastan 34 jasqa deıin 200 629 teńgeni, 35 jastan 44 jasqa deıin 219 270 teńgeni, 45 jastan 54 jasqa deıin 204 527 teńgeni, 55 jastan 64 jasqa deıin 190 950 teńgeni, 65-ten joǵary - 229 407 teńge qurady.

*Kásipkerlik qyzmetpen aınalysatyn shaǵyn kásiporyndardy esepke almaǵanda.

Medıandyq jalaqy – eseptelgen jalaqy mólsheriboıynsha qyzmetkerler sanyn bólý qatarynyń ortasynda turǵan jáne ony teń eki bólikke bóletin – tómen jáne joǵary medıandyq jalaqymen jalaqy mólsheri;

modaldik jalaqy – eseptelgen jalaqy mólsheri boıynsha qyzmetkerler sanyn bólý qatarynda jıi kezdesetin jalaqy ólshemi;

desıldik koeffısıent dıfferensıasııasy – qyzmetkerlerdiń jalaqy deńgeıiniń boıynsha koeffısıenti, ol 10% qyzmetkerlerdiń ortasha jalaqysynyń eń joǵary 10% qyzmetkerlerdiń eń tómen jalaqysymen ara qatynasyn sıpattaıdy.