Onda senatorlar "Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratıfıkasııalaý týraly" zań jobasyn talqylady.
Osy kelisim memleketterge azamattardyń kóshi-qony, kóshi-qon zańnamasyn buzýshylyqtar jáne zańsyz kóshi-qon joldary, sondaı-aq, elderdiń biriniń aýmaǵynda bolý úshin negizder bar tulǵalardyń quqyqtyq mártebesi týraly aqparattar almasýǵa múmkindik beredi.
"Resmı statıstıkaǵa súıensek, 2019 jyly Qazaqstanǵa 32 myńǵa jýyq Belarýs azamaty kirgen. Onyń ishinde 76-sy ákimshilik jaýapkershilikke tartylǵan. Búgin qaralyp otyrǵan kelisimniń mańyzy zor. Bul qujatta aqparattar men málimetter almasý túrleri, azamattardyń sanattary jáne yntymaqtastyqty nyǵaıtý nysandary men negizgi baǵyttary naqty kórsetilgen. Eki eldiń kóshi-qon máselelerinde ózara árkettesetin quziretti organdary da anyqtalǵan. Qazaqstanda ol – Ishki ister mınıstrligi men Eńbek jáne halyqty áleýmettik qorǵaý mınıstrligi", – dedi senator Rysqalı Ábdikerov.
Kelisim eki memlekettiń zańdaryna jáne halyqaralyq mindettemelerine sáıkes Belarýs aýmaǵyndaǵy Qazaqstan azamattarynyń quqyqtaryn qorǵaýdyń tıimdiligin arttyrýǵa yqpal etedi.
