Elorda • 20 Qazan, 2020

"Januıa" otbasyn qoldaý ortalyǵyna 36 myńnan astam adam júgindi

516 ret

kórsetildi

1 mın

oqý úshin

Nur-Sultandaǵy "Januıa" otbasy ınstıtýtyn qoldaý ortalyǵy 2019 jyldyń tamyzynda ashyldy. Munda elordadaǵy otbasylarǵa quqyqtyq, psıhologııalyq jáne áleýmettik kómek kórsetiledi. Mekeme memlekettik qyzmetterdi biriktiredi jáne olardy "bir tereze" qaǵıdaty boıynsha usynady. Mamandar ár otbasymen jeke jumys júrgizedi. Ashyq alańda elorda turǵyndaryna densaýlyq saqtaý, jumyspen qamtý, bilim berý, turǵyn úımen qamtamasyz etý jáne kásipkerlikti bastaý boıynsha júıeli keńester men kómek kórsetiledi, dep habarlaıdy Egemen.kz.

Marjan TILEÝBEK

"Januıa" otbasyn qoldaý ortalyǵyna 36 myńnan astam adam júgindi

Ashylǵan kúnnen bastap ortalyqqa 64 636 suraq boıynsha 36 169 adam habarlasqan. Onyń ishinde 53 595 máselege júıeli keńester berildi, 11 041 máseleni sheshýge sharalar qabyldandy.

"О́tinish bildirgenderdiń 60%-y ataýly áleýmettik kómek taǵaıyndaý suraqtary (35 175), 8% - turǵyn úı (5 051), 5% - kásipkerlik (2 652), 4% - zań kómegi (2044), 4% - jumyspen qamtý jáne basqalary", - dep atap ótti ortalyqta.

Máselelerdiń basym kópshiligin sheshý boıynsha sharalar qabyldandy. Sonymen qatar ataýly áleýmettik kómek taǵaıyndaýǵa qujattar qabyldandy, Biryńǵaı jınaqtaý qorynyń qyzmetteri kórsetildi, turǵyn úı máselelerine, jumysqa ornalasýǵa, quqyqtyq jáne psıhologııalyq kómek kórsetildi.