Aýdannyń Qarasý, О́tegen, Masanshy, Qarakemer, Sortóbe, Bular batyr, Aýqatty, Qyzylsaı jáne Kúnbatys-1, Kúnbatys-2 aýyldaryna jalpy jobalyq-smetalyq quny 5,6 mıllıard teńge bolatyn 73,2 shaqyrym gaz qubyryn tartý qolǵa alynyp otyr. Qazirgi kezde birqatar aýyldarda qurylys-montajdaý jumysy aıaqtalyp keledi. Al, Qarasý, О́tegen aýyldaryna gaz jetkizildi.
Atalǵan eki aýylda kógildir otyndy qosýǵa arnalǵan saltanatty shara ótip, Qordaı aýdanynyń ákimi Rústem Dáýlet turǵyndardy quttyqtady. Ákim óz sózinde memleket tarapynan jasalyp otyrǵan qamqorlyqtyń bul tek bir parasy ǵana ekenin aıtty. Budan keıin aýylǵa jetken gazdyń alaýy jaǵylyp, saltanatty túrde iske qosyldy. Jalpy, bul eki aýylda 1251 turǵyn úı jyl sońyna deıin gazben qamtylady. Qurylys jumysymen aınalysyp jatqan merdiger «Fırma SKM Stroı» jaýapkershiligi shekteýli seriktestigi aýylishilik jelilerdi tartýdy aıaqtaǵan. Endi turǵyndarmen kelisimshart jasalyp, ony úıge kirgizý retimen josparǵa saı jalǵasatyn bolady. Turǵyndardyń gaz qosýǵa tólenetin aqysynyń da tıimdi joldary qarastyrylǵan. Aldaǵy ýaqytta jergilikti kásipkerlerdiń demeýshiligimen kópbalaly analar men az qamtylǵan otbasylardyń úıine gaz qubyryn tartýǵa kómek kórsetiledi.
Jambyl oblysy
