"Kınoteatrdyń jumysyna "jasyl aımaqqa" kiretin óńirlerde, epıdemııalyq jaǵdaıy turaqty, aýrý jaǵdaıy joq aımaqtarda ǵana ruqsat beriledi. Kınoteatrlarǵa barǵanda koronavırýstyń taralýyn boldyrmaý maqsatynda mınıstrlik belgili talaptar algorıtmin bekitti. Olar: kirý bıletin múmkindiginshe onlaın rejımde satý, zaldardyń tolýyn 30 paıyzdan asyrmaý, sonymen birge otyrǵyzý kezinde áleýmettik araqashyqtyq saqtalýy tıis. Sonymen qatar zaldardy dezınfeksııalaý úshin keminde 30 mınýttyq sessııalar arasynda úzilis saqtalýy kerek. Áleýmettik araqashyqtyq pen maska rejımi saqtalýy tıis. Nysan ashylǵanǵa deıin dezınfeksııa quraldaryn qoldana otyryp, jalpy tazartyp turý kerek. Kireberistegi qyzmetkerler kelýshilerdiń maska rejımin saqtaýynyń, dene qyzýynyń ólshenýine qamtamasyz etedi", dedi Ajar Ǵınaıat.
Vıse-mınıstrdiń aıtýynsha barlyq kınoteatr jumysyn sanıtarlyq dárigerler tekserip, jekelep ruqsat beretin bolady. Eger barlyq sharalar saqtalsa, olardyń jumys júrgizýge ruqsat beriledi.
