Wildberries ınternet-dúkeni aqshalaı qarajatty óteıdi

Qyrkúıek aıynyń ekinshi jartysynan bastap búginge deıin ınternet-dúkenge qatysty somasy 3,9 mln teńgeni quraıtyn barlyǵy 90-nan astam azamattyń shaǵymy kelip tústi.

Komıtet qabyldaǵan sharalardyń (kelis­sózder, resmı hat almasý) nátıje­sinde somasy 3,2 mln teńgeni quraıtyn 66 tutynýshyǵa qarajat qaıtaryldy. Tutyný­shylardyń quqyqtaryn qorǵaý komı­tetine júgingen basqa tutyný­shy­larǵa qarajat 2020 jyldyń qazan aıy­nyń sońyna deıin qaıtarylatyn bolady.

Wildberries ınternet-dúkeniniń aqpara­ty boıynsha, qarajatty qaıtarý­dy rásimdegen kezde aqsha sol kúni aýdarylady, sodan keıin bank qarajatty tutynýshyǵa aýdarady. Aǵymdaǵy aqsha aýdarymynyń keshigýi Wildberries shotyna qyzmet kórsetetin banktiń tehnıkalyq máselesine baılanysty bolyp otyr.

Wildberries ınternet-dúkeninen qara­jatty qaıtarýdy kútip júrgen qazaq­stan­dyq tutynýshylardyń jalpy sany belgisiz. Osyǵan baılanysty atalǵan kompanııa qarajatty qaıtarmaǵan jaǵdaıda Tutyný­shylardyń quqyqtaryn qorǵaý komı­­tetine nemese tutynýshylardyń qu­qyq­­taryn qorǵaý jónindegi óńirlik de­par­­ta­mentke júginýdi, sondaı-aq sha­ǵym­dy onlaın túrde: @kzpp_bot tele­gram-bot nemese elektrondyq úkimet portaly arqyly berýdi suraıdy.