Osy jylǵy taǵy bir jańalyq – jylý maýsymynyń jyldaǵydan 5 kún erte bastalýy. Qazan týa kún salqyndap, oblys basshylyǵynyń tapsyrmasymen jylý osy aıdyń alǵashqy onkúndiginde-aq berile bastady.
Qazir oblystaǵy 1 185 áleýmettik nysanǵa jáne ortalyqtandyrylǵan jylý júıesine qosylǵan 713 kópqabatty turǵyn úıge jylý turaqty berilýde.
О́ńirdegi áleýmettik sala nysandaryna aldaǵy qystan shyǵý úshin 39,5 myń tonna qatty jáne 26 myń tonna suıyq otyn qajet. Turǵyndarǵa qajetti kómir mólsheri – 163,6 myń tonna. Qazir osy kómirdiń 113,0 myń tonnadan astamy jetkizildi.
Jylý berý maýsymy kezeńinde Qyzylorda qalasynyń ózine ǵana tasymaldaýshy jeke kásipkerler tarapynan barlyǵy 889 vagon nemese 61 385 tonna kómir jetkiziledi. Qazir qaladaǵy «BEK», «Qarymsaqov» jeke kásipkerligi men «Oljas-2005», «TEK Qazaqstan» jaýapkershiligi shekteýli seriktestikterinde kómir qory jetkilikti. Qala bıligi tarapynan onyń baǵasy da baqylaýda tur.
Ár qysta kómirdiń qat bolyp, baǵasynyń da kúrt ósip ketetini jıi baıqalyp júr. Osyndaı keleńsizdik bıyl qaıtalanbas úshin oblys basshylyǵy kómir óndiretin kásiporyndarmen tikeleı kelisimshart jasap, turǵyndarǵa tıimdi baǵamen satýǵa basa nazar aýdaryp otyr. Osy kúni oblys aýmaǵynda 30 kómir jınaqtaý qoımasy jumys istep tur. Olardyń beseýi – Qyzylorda qalasynda, qalǵandary – aýdandarda. Jalpy, jylý maýsymynyń turaqty ótýi – oblystyq shtabtyń baqylaýynda.
О́ńirge gaz kelgeli kómirge suranystyń burynǵydan tómendegeni belgili. «QazTransGaz Aımaq» AQ óndiristik fılıaly dırektorynyń birinshi orynbasary Ermek Qaldyǵulovtyń habarlaýynsha, bıyl gaz taratqysh jelilerindegi josparlanǵan tehnıkalyq qyzmet jáne basqa da jumystar tolyqtaı júrgizildi. Jalpy uzyndyǵy 2 305 shaqyrymdyq gaz qubyry, 54 bloktik jáne 193 shkaftyq gaz rettegish beketteri bar mekeme maýsymǵa tolyq daıyn.
«QazTransGaz Aımaq» AQ óndiristik fılıaly qazir oblys boıynsha 111 256 tutynýshyǵa, osyǵan qosymsha gazǵa qosylǵan 2 403 kommýnaldyq-turmystyq kásiporynǵa gaz berip otyr.
– Tutynýshylardyń barlyǵy birdeı jylý maýsymyna ázir dep aıtý qıyn. Kóptegen dúken, dámhana, meıramhana búginge deıin gazdy satyp alýǵa kelisimshart jasamaǵan, sondaı-aq kópshiliginiń tehnıkalyq qyzmet kórsetýge sharttary joq. Osyǵan baılanysty tutynýshylarǵa eskertý jumystaryn júrgizýdemiz. Bul nátıje bermese, kásiporyndarǵa gaz berý toqtatylady, – deıdi «QazTransGaz Aımaq» AQ óndiristik fılıaly dırektorynyń birinshi orynbasary E.Qaldyǵulov.
Sonymen qatar jeke tulǵalardyń gazǵa qaryzy 1 mlrd teńgege jýyqtap otyr. Osy sebepten de «QazTransGaz Aımaq» AQ Qyzylorda óndiristik fılıaly bereshegi bar tutynýshylardy gazdan ajyratýǵa májbúr. Olar tutynýshy túbirtek paraǵyna sáıkes ár aıdyń 25-ine deıin paıdalanylǵan gazǵa tólem jasaý qajettigin aıtyp otyr. Ajyratylǵan abonent qaryzyn tolyq ótegenniń ózinde gazdy ajyratyp, qaıta qosý qyzmetiniń aqysyn tóleýi tıis. Mundaı shyǵynǵa ushyramaýdyń basty joly – kommýnaldyq tólemdi ýaqtyly tóleý.
Qyzylorda
