"Monterra Qasaqstan" JShS 2015 jyly qurylǵan. Aıta ketken jón, Monterra Group AG nemis ınvestısııalyq kompanııasynyń enshiles mekemesi bolyp tabylady.
Kompanııa men Jambyl oblysy ákimdigi arasynda 2016 jyly taý-ken metallýrgııa kombınatyn salý týraly memorandýmǵa qol qoıylǵan balatyn. Sol jyly Qaratas-Maıbulaq alańynda altyn men ilespe komponentterdi barlaýǵa kelisimshart jasalynǵan. Búgingi tańda Qordaı aýdanynda kombınat qurylysyna arnaıy jer telimi bólindi. Joba Jambyl oblysynyń Indýstrııalandyrý kartasyna engizilgen.
Investısııanyń jalpy kólemi 600 mıllıon eýrony quraıdy.
"Monterra Qasaqstan" JShS baqylaý keńesiniń tóraǵasy Iogann Shtol altyn óndirýdiń biregeı tehnologııasy qoldanylatynyn atap ótti. О́zi Qordaı aýdanynyń týmasy. Jerlesteri úshin turaqty jáne jalaqysy jaqsy jumys usynyp, damyǵan óndiristi jolǵa qoıǵysy keledi.
Qazirgi ýaqytta kompanııa geologııalyq barlaý jumystaryn júrgizýde, obektilerdi ónerkásiptik ıgerýge daıyndaýda. "Monterra Qasaqstan" JShS Bas dırektory Merýert Danbaevanyń aıtýynsha, "taý-ken metallýrgııa kombınatynyń qurylysy 2021 jyly bastalady". Al, nysandy 2023 jyly paıdalanýǵa berý josparlanýda. Sodan keıin altyn óndirý jumystary júzege asatyn bolady. Kompanııa 1900 adamdy turaqty jumyspen qamtamasyz etýge nıetti.
Jańa kombınatta Dore qorytpasy (altyn-kúmis qorytpa) óndiriledi. О́ndiris bastalǵannan keıin "Monterra Qasaqstan" JShS bes tonnaǵa deıin altyn óndirýdi, sodan keıin birtindep qýattylyqty arttyrýdy josparlap otyr.
"Taý - ken metallýrgııa kombınatynda óndiristiń ekologııalyq qaýipsizdigin qamtamasyz etýge múmkindik beretin ozyq tehnologııalar qoldanylatyn bolady", - dep sendirdi M.Danbaeva.
Kompanııa aýdannyń ınfraqurylymyn damytýǵa da ınvestısııa salady.
"2019 jyly "Monterra Qasaqstan" JShS ardagerlerge, turmysy tómen otbasylarǵa kómek kórsetti. Sonymen qatar, kóp balaly otbasylar úshin turǵyn úı satyp aldy jáne eldi mekenderdi abattandyrý boıynsha jumystar júrgizdi. Qordaı aýdanynda qıraǵan nysandardy qalpyna keltirý úshin bıýdjetten qarajat bólindi. Aýdandyq aýrýhana úshin О́JJ apparaty satyp alyndy. Endigi tańda, týǵan aýylynda Kenen Ázirbaev atyndaǵy murajaıdy kúrdeli jóndeýden ótkizip, stýdentterdi oqytý josparlanýda", - dedi M.Danbaeva.
Berdibek Saparbaev bul baǵytta odan ári jumys isteýdi, Qordaı aýdany aýyldarynyń áleýmettik máselelerin sheshýge járdemdesý qajettigin atap ótti.
"Memleket ınvestorlardy qoldaýǵa árdaıym daıyn, biraq naqty nátıjeler qajet. Kompanııa óziniń kelisimsharttyq mindettemelerin saqtaýǵa mindetti", - dedi oblys ákimi.
Ol ekologııa, kadrlardy daıarlaý máselelerine erekshe nazar aýdarý qajettigin atap ótti.
"Biz ınvestorlardan jergilikti turǵyndardy jumysqa alýdy suraımyz. Aýyl turǵyndary qazirdiń ózinde arnaıy oqýdan ótip, qurylys aıaqtalǵannan keıin birden jumysqa kirisýi tıis", - dep tolyqtyrdy óńir basshysy.
Oblys ákimi óziniń orynbasary Almas Mádıevke ınvestısııalyq jobany iske asyrý boıynsha Jol kartasyn ázirleýdi tapsyrdy.
