Oblystyq Polısııa departamenti baspasóz qyzmetiniń málimetinshe, 22 jastaǵy jigit din mamany Ibn ál-Djaýzıdiń ıdeıasyn nasıhattaıtyn aýdıo-vıdeo materıaldardy Instagram jelisinde jarııalaǵan. Dinı saraptamanyń qorytyndysyna sáıkes, bul jazbalardyń mazmuny Qazaqstanda qoldanýǵa jáne taratýǵa tyıym salynǵan.
Er adam QR Ákimshilik quqyqbuzýshylyq kodeksiniń 453-babyn buzǵany úshin jaýapqa tartyldy. Sot qaýlysyna sáıkes ol 55 560 teńge (20 AEK) aıyppul tóleıdi, al áleýmettik jelidegi paraqshasy jabyldy.
Budan basqa, Atyraýda sońǵy ýaqytta Ákimshilik quqyq buzýshylyq kodeksiniń atalǵan baby boıynsha taǵy tórt er adam jaýapqa tartylǵan. Olardyń biri Mysyrda teologııalyq baǵyttaǵy kúmán týǵyzatyn oqý ornynda bilim alǵan. Sodan keıin óziniń VKontakte jelisinde ıslamı emes negizdegi ıdeologtardy nasıhattaǵan.
