"Ulttyq qoǵamdyq senim keńesiniń qurylǵanyna 1 jyldan asty. Osy aralyqta keńes tolyq qalyptasty. Onyń qajettiligine barshamyz kóz jetkizdik. Ulttyq keńes bılik pen qoǵam arasynda syndarly dıalog ornata alatyn tıimdi ınstıtýsıonaldy qurylymǵa aınaldy. Keńes músheleri elimiz úshin mańyzdy sheshimder ázirlep, solardyń júzege asýyna kúsh saldy. Osyǵan deıin ótken 3 otyrystyń barlyǵy da paıdaly bolǵany sózsiz", dedi Prezıdent.
Memleket basshysynyń aıtýynsha, keńestiń jumysy sheteldik sarapshylardyń qyzyǵýshylyǵyn týǵyzǵan.
"Pandemııaǵa qaramastan keńeste ózekti máseleler turaqty túrde talqylanyp keledi, oǵan mınıstrler de atsalysýda. Jalpy sizderdiń arqalaryńyzda birneshe mańyzdy bastama júzege asty. Sondaı-aq memlekettik saıasattyń túrli salalaryn reformalaýǵa qatysty jańa usynystar ázirlenýde. Osy tusta keńestiń barlyq múshelerine, sonyń ishinde rotasııa boıynsha múshelikten shyqqan azamattarǵa da jemisti jumystary úshin alǵys aıtamyn", dedi Q.Toqaev.
