Onyń aıtýynsha, baǵanyń ósýi maýsymdyq sıpatqa ıe. Dástúr boıynsha, bul qańtardan bastap sáýirge deıin baıqalady. Mamyr aıynan bastap, jańa ónim túsýmen baǵa tómendeıdi.
Sondaı-aq, baǵalarda óndirýshilerdiń shıkizatqa, býyp-túıý materıaldaryna shyǵystarynyń qymbattaýy, kólik shyǵystary kórsetiledi, joǵary ústeme baǵa belgileıtin deldaldar da áser etedi.
"Baǵany turaqtandyrý maqsatynda birqatar sharalar qabyldanýda. "Aınalym mehanızmi" boıynsha 20 myń tonna ónimge kelisimsharttar bar. 7 sýbektimen ("Aıkyn Sapa", "Mır krýp", "Magným", "Akmol", "Týrkýaz", "Vermaks", "AA Agro") kelisim-shartqa qol qoıylyp, 3,6 mlrd teńge nesıe bólindi. Bul iri saýda obektilerinde áleýmettik mańyzdy azyq-túlik ónimderin tirkelgen baǵalar boıynsha satýǵa múmkindik beredi", - dedi spıker taýarlardy atap shyǵyp.
Mysaly, jeltoqsannan bastap 2021 jyldyń mamyr aıyna deıin kartop, pııaz, qyryqqabat, sábiz, kelesi jyldyń sáýirine deıin kúrish pen qaraqumyq jarmasy men kúnbaǵys maıynyń baǵasy bekitildi. 2021 jyldyń sońyna deıin azyq-túliktiń taǵy 10 túrine baǵa turaqty bolady. Onyń ishinde sút ónimderi, jumyrtqa, un, qus eti, makaron ónimi bar.
"Baǵa kóterilgen jaǵdaıda turaqtandyrý qorynyń qorlarynan taýar ıntervensııalary jedel júrgiziledi. Qazir 6 saýda obektisinde ("Magným"», "Astyqjan", "VkýsMart", "Aqmol", "Shapaǵat" jáne "Smoll") qanttyń taýarlyq ıntervensııalary kg úshin 220 teńgeden aspaıtyn baǵa boıynsha júrgiziledi", - dedi Ermoldına.
Onyń málimetinshe, qorda 912 tonna qant bar.
Nan baǵasyn turaqtandyrý boıynsha otandyq óndirýshilerden un satyp alýǵa jergilikti bıýdjetten qosymsha 600 mln teńge bólindi. Bul un qyrkúıek aıynda kelesi egin jınalǵanǵa deıin jetkilikti.
