Qaýipsizdik sharalaryn qatań ustaný kerek

­­­

«Barlyǵymyz buqaralyq aq­parat quraldarynyń betteri­nen oqyp, habardar bolyp otyrmyz. Búginde kórshimiz Reseıde kún sa­ıyn 15 myńdaı adam koronavırýs pen pnevmonııa juqtyryp ja­tyr. Elimizdiń soltústik, orta­lyq, batys óńirlerinde de indetke baı­lanysty karantındik sharalar qaıta kúsheıdi. Demek biz de saqtanýymyz kerek. Sondyqtan da oblys ákiminiń tapsyrmasymen qurylǵan, quramynda tó­ten­she jaǵdaı, polısııa, buqa­ralyq aqparat quraldary syndy organ­dardyń ókilderi bar arnaıy top kún saıyn reıdterge shyǵyp, meı­ramhanalar men toıhanalardy aralap júr. О́kinishke qaraı, tár­tipti buzyp, jasyrynyp toı ja­sap jatqan azamattarymyz kóp.­ ­Men bes toıhanaǵa bas suǵyp, 100-­120 adamdy qamtyǵan jıyn, toı­­­d­yń ústinen tústim. Sonsha qo­naq­­tyń bireýi dertti bolsa, toı­ǵa kelgenderdiń kem degende jar­tysyna juqtyratyny anyq», deıdi ol.

О́ńirde alǵash ret toı uıymdas­tyrǵandarǵa eskertý berilgen bolsa, al qaıtalaǵandarǵa 640 myń teńge kóleminde aıyppul sa­lynǵan. Jalpy, Taraz qalasy boıynsha búginge deıin 1 284 nysan tekserilip, 94 hattama tol­tyrylǵan. Aıyppuldyń jalpy kólemi 10 972 120 teńgeni qu­­rapty. Endi turǵyndardyń qaýip­­sizdigin qamtamasyz etý maqsatynda Jambyl oblysynda qaýipti indettiń taralýyn te­jep, turaqty sanıtarlyq-epı­demııalyq ahýaldy saqtaý úshin strategııalyq jospar ázirlenip, bekitilip otyr. Atalǵan jos­par arnaıy qyzmetter men meke­melerdiń shekteý sharalarynyń tómen, ortasha jáne joǵary deń­geıine ázirligin qamtamasyz etedi. Bekitilgen jospardyń oryndalý barysy týraly óńirlik jedel shtab­tyń kezekti otyrysy da ótti.

Oblys boıynsha taýarlar men kórsetiletin qyzmetterdiń qaýip­sizdigi jáne sapasyn baqylaý depa­rtamenti basshysynyń min­detin atqarýshy Neılıa Mýlı­kova aýqymdy aqparattyq-nasıhattyq jumystar júrgizý kerektigin ba­sa aıtýda.

«Turǵyndar vırýstyń áli de qaýip­ti ekenin túsinýi kerek. Qatań shekteý sharalaryn usta­ný arqyly ǵana biz ózimiz ben jaqyndarymyzdy qorǵaı alamyz. Halyqtan medısınalyq mas­ka taǵý rejimin ustanyp, áleý­mettik araqashyqtyqty saqtaýdy talap etý kerek. Josparlanǵan bar­lyq sharadan bas tartqan jón», deıdi N. Mýlıkova.

О́ńirde jıyn-toılardy bol­dyr­maý, is-sharalarǵa toq­taý salý sııaqty qajetti jumys­tar júr­gizilýde. Bul rette oblys­tyq densaýlyq saqtaý basqarma­sy­nyń basshysy Áset Qalıev basty maqsat – indettiń jappaı taralýyna jol bermeý ekenin aıtady.

«Dárigerler koronavırýs ın­feksııasynyń taralýy múmkin ekinshi tolqynyna daıyndyqty myqtap qolǵa al­dy. Sol sııaqty turǵyndar da in­det­tiń asqynyp ketý qaýpin tómen­detýge qam jasaýy kerek», dedi ol.

Qazirgi tańda óńirde barlyǵy 2 530 tósektik oryn daıyndalǵan. Onyń ishinde reanımasııalyq bólimderde 253 tósek bar. Al me­dı­sınalyq mekemeler­de ókpeni jasandy tynystandyrý­ǵa ar­nalǵan 253 apparat, 706 ot­tegi ballony, 542 ottegi konsentratory, 1 009 pýlsoksımetr, 19 sıfrlyq rentgen apparaty, 10 kompıýterlik tomograf jáne 7 magnıtti-rezonansty tomo­graf daıyndalǵan. Taǵy da qosymsha 74 ókpeni jasandy tynystandyrý apparaty, 7 kompıý­ter tomografy, 4 sıfrlyq rent­gen apparaty, 4 ottegi stansasy, 74 sanıtarlyq avtokólik, 8 jyljymaly medısınalyq keshen jáne 100 kópfýnksıonaldy tósek jet­kiziletin bolady. Al qaýip­ti indetpen kúreske 4 410 medı­sınalyq qyzmetkerdi ju­myl­dyrý josparlanýda eken. О́ńirdiń bas dárigeriniń aıtýynsha, je­ke qorǵanysh quraldarynyń jet­kilikti mólsheri jasaqtalǵan. Monıtorıngtik toptar 3 iri aýrýhanada dárilerdiń tapshylyǵyn anyqtaǵan. Berilgen ótinimderge saı «SQ-Farmasııa» JShS me­dı­sınalyq preparattardy jet­kizip beredi. Al bul oraıda «SQ-Farmasııa» JShS-nyń óńirdegi ókili Aıjan Tortaeva dárilerdi ýaq­tyly jetkizýdi kompanııa bas­ty nazarda ustaıtynyn aıtty.

Búgingi tańda aımaqta korona­vırýs indetinen saq­taný úshin barynsha júıeli ju­mys júr­gizilýde. Oblys áki­mi B.Sapar­baev jergilikti densaý­lyq saq­taý basqarmasynyń bas­shysy Á.Qalıevke barlyq rea­nı­ma­sııal­yq tósekterdiń ók­peni ja­sandy tynys aldyrý appara­tymen qamtylýyn baqy­laýǵa alý­dy tapsyrǵan bolatyn. Son­daı-aq oblys ákimi aýdan ákim­­derine de aýrýhanalar­dy aralap, medısınalyq ınfra­qu­rylymnyń koronavırýs inde­tiniń bolýy múmkin ke­zek­­ti tol­qynyna daıyndyǵyn tekserý­di min­dettedi. Degenmen qazir­gi kezde oblysta adamdardyń qa­ýip­­sizdigi úshin barlyq múm­kin­dik jasalýda. Densaýlyq saq­taý basqarmasynyń basshysy Á.Qalıevtiń aıtýynsha, búginde tu­maýǵa qarsy ekpe 243 278 adam­ǵa egilgen. Bul jumystar ári qa­raı da jalǵasady.

Jambyl oblysy