EREN ERLIK ESKIRMEIDI

20-shaǵyn aýdanda ornalas­qan jeńis baǵyna serýendep, demalýǵa qala jurtshylyǵy kóp ke­le­tin. Endi kútim joqtyǵynan jetim qyzdyń kúıin keship tur. Ony óz ıeligine alǵan jeke kásipkerdiń úıip-tókken ýádesi dalada qaldy. Osy jaǵdaı soǵys ardagerlerin alań­datty, dabyl qaǵýǵa májbúr etti.Jýyrda oblys ákimi Serik Bil­álov qurylys, sáýlet basqar­malarynyń basshylaryn , aǵa ur­paq ókilderin jınap, osy máselege baılanysty jıyn ótkizdi. Serik Sultanǵazyuly Esil óze­ni­niń jaǵasynda qonys tepken saıa­baq­tyń kommýnaldyq menshikke qaı­tarylǵanyn,  endi 12 gektar aýmaqty Uly Jeńis merekesine deıin qalpyna keltirý mindeti tur­ǵanyn jetkizdi. Oblystyń bas sáý­letshisi Valerıı Zataı   alda atqa­ry­latyn is-sharalar josparymen tanystyrdy. Jobany qarjy­lan­dy­rýǵa 35 mıllıon teńge jumsaý qaras­ty­ryl­ǵan. Ol úshin arnaıy qor  qu­ry­lyp, eńbek ujymdary men bıznes ókilderin tartý kózdelgen. Kompozısııalyq keshen  áskerı-patrıottyq, attraksıon, sport sekildi sektorlarǵa bólinip abattan­dyrylady. Bul oraıda árqaısysy­nyń óz erekshelikterin saqtaı otyryp  joǵary estetı­kalyq tal­ǵam­men bezendirýge ba­rynsha mán beriledi. Desek te, basty ıdeıa jaý­men arystansha arpalysqan sol­tústikqazaqstandyq jaýyngerlerdiń otty jyldardaǵy eren erlikterin pash etýge, eldi, jerdi súıý sekildi patrıottyq qasıetterdi jas býynnyń boıyna sińirýge toǵystyry­latyn bo­la­dy. Dańq alleıasyna qyrshyn­nan qıylǵan bozdaqtar­dyń shaǵyn músinderi ornaty­lyp, áskerı blındaj jasalady. Ás­ke­rı qarýlar qoıylady. Budan tysqary  qorshaýlardy aýys­ty­rý, joldardy jóndep, órnek­tas­tarmen áshekeı­leý,  qaıyqpen serýendeý aımaǵyn jasaý máse­le­leri de jiti oılas­tyrylǵan. О́mir ESQALI, Petropavl.