"Qoǵamnyń memleketke degen senimine sybaılas jemqorlyq, qylmystyq qol suǵýshylyq, biliksizdik aıtarlyqtaı nuqsan keltiredi. Men burynǵysynsha osyndaı jaǵymsyz faktiler týraly kóptegen hattar, ótinishter alamyn. Zańdy buzǵan sýdıalardyń suranysyn qatańdatý qajet dep sanaımyn. Árıne, qatań sharalar jetkiliksiz. Tıisti sot etıkasyn saqtaý kerek", dedi Prezıdent.
Memleket basshysy jańa standarttar sýdıalardyń prosesterdegi, ujymdaǵy, qoǵamdaǵy minez-qulyq mádenıetin reglamentteýi tıis ekenin atap ótti.
"Tıisti talaptar advokattar men zań konsýltanttary úshin de mindetti bolýǵa tıis. Mundaı tájirıbe kóptegen damyǵan elderde bar. Mysaly, Birikken Ulttar Uıymynyń qamqorlyǵymen sot organdarynyń adaldyǵy men paraǵa satylmaýshylyǵynyń jahandyq jelisi quryldy", dep tolyqtyrdy el Prezıdenti.
Qasym-Jomart Toqaev sýdıalar jumys isteıtin jaǵdaılarǵa barynsha nazar aýdarý qajettigin aıtty.
"Men Almaty qalalyq sotynyń sýdıasynyń sóz sóıleýimen kelisemin, ol sýdıalardyń jıi orynsyz jaǵdaıda jumys isteıtinin aıtty. Biz Úkimetke qazirgi problemaǵa barynsha nazar aýdarý úshin tıisti tapsyrma beremiz", dedi Memleket basshysy.
