"Uly Dala aqyndary" jobasy aıasynda ótkizilgen sharaǵa 7-12-synyp oqýshylary qatysty. Jas zııatkerler Juban aqynnyń "Qyzyl galstýk" poemasyn oqyp, mazmunyn sýret arqyly shyǵarmashylyǵymen jetkizdi. Baıqaýǵa 13 jumys kelip tústi. Oqýshylar shyǵarmanyń mán-maǵynasyn túsinip, taldaı otyryp, kórkem-estetıkalyq turǵyda kreatıvtilikterin kórsete aldy.
"Bul shara - balanyń kitap oqýǵa degen qyzyǵýshylyǵyn arttyrýda tıimdi ádis ekenin kórsetti. Oqýshylar tildik oralymy kúrdeli shyǵarmanyń tarıhı qundylyǵyn qalammen beıneleı alǵan", deıdi qazaq tili pániniń muǵalimi Gaýhar Mananbaı.
Jaýynger aqynnyń "Qyzyl galstýk" poemasy 1941 jyly Uly Otan soǵysy kezindegi aýyr turmysty beıneleıdi. Oqıǵa oqyrmandardyń boıynda ultjandylyq, batyldyq sekildi qasıetterdi damytyp, erlik jasaýǵa shaqyrady.
Oqýshylardyń shyǵarmashylyǵyn qazaq tili men ádebıeti jáne óner pániniń muǵalimderi baǵalady. Saıys qorytyndysy boıynsha 11-synyp oqýshysy Nuraı Toqsanbaı jeńimpaz atansa, júldeli ekinshi oryndy 8-synyptan Alına Sháketova jáne 11-synyptan Nuraı Amankeldi bólisip aldy. Al 8-synyp oqýshysy Dilmurad Qozbaqov , 7-synyp oqýshysy Dına Januzaqova jáne 11-synyp oqýshysy Dıana Kamıl úshinshi oryndy ıelendi.
"Jeńimpazdyń jumysy akvarelmen boıaý tehnıkasynda salynǵan. Sýret tolyq aıaqtalǵan, boıalǵan jáne avtor óz oıyn asha alǵan. Sýret salýdyń barlyq zańdylyǵy saqtalǵan", óner pániniń muǵalimi Móldir Teńizbaı
